जनता दल यूनाइटेड (जदयू) केर राष्ट्रीय अध्यक्ष आ बिहारक मुख्यमंत्री नीतीश कुमार केर 73म जन्मदिन पर जदयू केर वरिष्ठ नेता सह बिहार विधान परिषदक पूर्व सदस्य प्रो दिलीप कुमार चौधरी हुनका बधाइ आ शुभकामना देलनि। शुक्रदिन प्रो चौधरी मुख्यमंत्री केर पटना स्थित आवास पर हुनका फूलक गुलदस्ता भेंट कऽ बधाइ आ शुभकामना देलनि। ओ मुख्यमंत्री नीतीश कुमारकें जन्मदिनक बधाइ दैत हुनकर स्वस्थ एवं सुदीर्घ जीवन केर कामना कयलनि। एहि संग ओ जदयू केर प्रदेश अध्यक्ष उमेश सिंह कुशवाहासँ सेहो हुनकर आवास पर भेंटकऽ हुनका जन्मदिन केर बधाइ आ शुभकामना देलनि।
