भारत पाकिस्तानसँ आतंकवादी हाफिज सईदकेँ भारतकेँ सौंपबाक लेल कहलक अछि। विभिन्न आतंकवादी घटनामे शामिल हाफिज सईद मुम्बई हमलाक मास्टरमाइंड सेहो अछि। पाकिस्तानक कतेको मीडिया रिपोर्टमे ई उल्लेख कयल गेल अछि जे भारत सरकार पाकिस्तानक विदेश मन्त्रालयसँ आतङ्कीकेँ सौंपबाक माँग कयलक अछि।
रिपोर्टक अनुसार, भारतीय विदेश मंत्रालय पाकिस्तानसँ हाफिज सईदकेँ प्रत्यर्पित करबाक अनुरोध कयलक अछि। विशेषज्ञक कहब छनि जे भारत आ पाकिस्तानक बीच कोनो औपचारिक प्रत्यर्पण सन्धि नहिं अछि। एकर बावजूद, यदि दुनू देश चाहैत अछि तँ मानवताक विरुद्ध आतंकवादी घटनाकेँ रोकबाक लेल प्रत्यर्पणक माध्यमसँ एहन आतङ्की सभ पर अंकुश लगा सकैत अछि।
मीडिया रिपोर्टक अनुसार, भारत सरकार पाकिस्तानक विदेश मंत्रालयसँ हाफिज सईदक प्रत्यर्पणक लेल कानूनी प्रक्रिया शुरू करबाक अनुरोध कयलक अछि। गौरतलब अछि जे हाफिज सईद भारतक मोस्ट वांटेड आतंकवादीक सूचीमे शामिल अछि। इएह कारण अछि जे भारत आब हाफिज सईदकेँ भारत आनय केर तैयारीमे अछि।
एहि लेल सरकार पाकिस्तानक विदेश मंत्रालयसँ हाफिजकेँ भारतकेँ सौंपबाक माँग कयलक अछि। जम्मू-कश्मीरमे कतेको आतंकवादी घटनाक अतिरिक्त, हाफिज सईद मुम्बईमे २६/११क हमलाक मास्टरमाइंड सेहो अछि। एहि आतंकवादी हमलामे अमेरिकी नागरिक सहित १६० सँ बेसी लोक मारल गेल छल। भारतक अतिरिक्त कतेको आन देश हाफिज सईदकेँ आतंकवादी घोषित कयलक अछि।
अमेरिका हाफिज सईद आ ओकर संगठन पर इनाम देबाक घोषणा सेहो केलक अछि। हाफिजक आतंकवादी संगठन लश्कर-ए-तैयबा अछि। एहि आतंकवादी संगठन पर लगभग एक करोड़ डॉलर के इनाम अछि। हाफिज सईद आतंकी फंडिंगक मामिलामे जेलमे बंद भऽ गेल अछि।
रक्षा विशेषज्ञक कहब छनि जे पाकिस्तानकेँ प्रत्यर्पण अनुरोधक सकारात्मक प्रतिक्रिया देबाक चाही यदि ओ पड़ोसी देशक सङ्ग नीक सम्बन्ध राखय चाहैत अछि आ आतंकवादपर अंकुश लगेबाक इरादा रखैत अछि।
गौरतलब अछि जे पाकिस्तानपर सीमा पार आतंकवादकेँ प्रोत्साहित करबाक आरोप लगाओल गेल अछि। एकर अतिरिक्त, पाकिस्तान भारतक विरुद्ध आतंकवादी षड्यंत्रमे शामिल दाऊद इब्राहिम सन असामाजिक तत्व आ आतंकवादीसभकेँ सेहो शरण देने अछि।
