गांधी विनोबा सिर्फ भारत लेल नहि अपितु आइयो समस्त विश्वक लेल प्रासंगिक छथि : गुनिश ओमप्रकाश सिंह

सहरसा समदिया
*

बिहार सर्वोदय मंडल, लोक समिति, दलित अधिकार मंचक संयुक्त तत्वावधानमे सोमदिन सुपर मार्केट लग अम्बेडकर पुस्तकालयमे राज्य स्तरीय सर्वोदय समाज सम्मेलनक आयोजन कयल गेल। सम्मेलनमे बिहार, झारखंड, गुजरात, आदिसँ लगभग १५० जनसेवक, सर्वोदय, समाजवादी,अम्बेडकरवादी समर्थक शामिल भेेलाह आ अपन अपन विचार व्यक्त कय कतेको प्रस्ताव सेहो पारित कयल गेल। सम्मेलनक उद्घाटन सर्व सेवा संघक पूर्व अध्यक्ष महादेव विद्रोही, महासचिव डॉ आनंद किशोर, पूर्व मंत्री विजय कुमार गांधी आ अम्बेडकरक मूर्ति पर दीप जरा फूल चढौलनि। सम्मेलनक अध्यक्षता कमल प्रसाद साह, स्वागत भाषण विद्या सागर भाई, विषय प्रविष्टि बिहार सर्वोदय मंडल अध्यक्ष चंद्र भूषण, संचालन आ धन्यवाद ज्ञापन प्रेम प्रकाश कयने छलाह। ओतहि सम्मेलन केर संबोधित करैत चंद्र भूषण कहलनि जे गांधी सिर्फ भारत लेल नहि अपितु ई आइयो समस्त विश्वक लेल प्रासंगिक अछि। दुनिया केर अधिकांश देश गांधी लग वापस आबि रहल अछि।आर हुनका अपन आदर्श मानैैत अछि। इयैह कारण छै कि दुनिया केर १८८ देशमे गांधी केर प्रतिमा छै आर हुनक जन्मदिन अहिंसा दिवस केर रूपमे मनाबैत अछि। सर्व सेवा संघ केर महासचिव डॉ. आनंद किशोर कहला कि आई संसदीय लोकतंत्र पर हमला भऽ रहल छै । लोकतंत्रक रक्षा करब हर नागरिकक कर्तव्य छै। बिहार सर्वोदय मंडलक महासचिव रामनाथ ठाकुर कहलनि जे जँ गांधी वापस नहिं आयल तखन पूरा दुनिया हिंसा आ युद्धक चंगुलमे आबि सकैत अछि। सर्व सेवा संघक अध्यक्ष ई बात कहलनि जँ दुनिया घातक युद्ध आ परमाणु युद्धसँ बचय चाहैत अछि तऽ ओकरा गांधी दिस आबय पड़त। विद्या सागर भाई कहला जे गांधीजी बाबा साहेब भीम राव अम्बेडकरक दुनू अनुयायी एक संग आबि गेल छथि। हम सब मिल कऽ ग्रामीण अर्थव्यवस्था केर मजबूत करब। ओ कहला जे आइ बिहार आन्दोलनक पचासम वर्षगांठ पर हमरा सबकेँ शपथ लेबय पड़त जे महंगाई, बेरोजगारी, हिंसा आ असमानताक खिलाफ एकजुट भऽ आवाज उठाबी। ओ आशा व्यक्त केलनि जे आगामी समयमे सर्वोदय मित्र जनसेवक, देश भरिमे पसरल सर्वोदय समाज एकजुट भऽ गांधी आ अम्बेडकरजीक विरासतकेँ बचाओत। डॉ.दीपक कुमार सिंह, प्रवीण सिंह, नकुल प्रसाद, सुमन, बिहारक किसान भूदान यज्ञ समितिक संयोजक अधिवक्ता मुनीश ओम प्रकाश सिंह कहलनि जे आइ बिहार सरकार द्वारा पैघ पैमाना पर व्यवधान पैदा भऽ रहल अछि। ओ फेर बिहार सरकारसँ बिहार भूदान यज्ञ समितिक पुनर्गठनक आग्रह केलथि। सम्मेलनमे प्रेम प्रकाश, कुमार ओमप्रकाश, उमेश चौधरी, सूर्य नारायण भारती, चंद्र गुप्त कुमार, पंचम भाई, संजय कुमार शर्मा, रतन कुमार, डॉ. चंद्र शेखर , बाबन सिंह, दीपंशु भारद्वाज, नंद किशोर मंडल, राम प्रमोद मिश्र, राजकिशोर अकेला, सीमा कुमारी, सरयू बाबू, सचिदानंद भारती, प्रमोद कुमार शर्मा, सुरेन्द्र कुमार, डॉ. विजय कुमार सिंह, मुंशी यादव, संतोष कुमार पासवान आदि उपस्थित छलाह।