मैथिली हिन्दीक प्रसिद्ध साहित्यकार आ शिक्षा, साहित्य एवं समाजक प्रतिबिंब डॉ. मनोरंजन झाक पुण्यतिथि समारोह सह कवि सम्मेलनक आयोजन बुध दिन संस्कृति मिथिला द्वारा रेडक्रॉस भवन सभागारमे आयोजित कयल गेल। एहि कार्यक्रमक मुख्य अतिथि डॉ कुलानंद झा, संस्कृति मिथिलाक अध्यक्ष रामकुमार सिंह, भूमि सुधार उप समाहर्ता ललित कुमार सिंह, सुरेन्द्र झा गोपाल आ डॉ. रंजीत कुमार सिंह द्वारा संयुक्त रूपसँ दीप जरा आ तैल चित्र पर माला पहिरा कऽ कयल गेल।
किसलय कृष्णक प्रबंधनमे आयोजित एहि कार्यक्रममे मुख्य अतिथि एवं अन्य पाहुन लोकनिकेँ पाग चादर प्रदान कयल गेल। एहि अवसर पर साहित्यकार शैलेन्द्र शैली, डॉ. विकास मिश्र, कप्तान गौतम कुमार, एथलीट दीपिका चंद्र, प्रो अरुण कुमार सिंह, सुदीप सुमन, मुखिया राहुल झा, पूर्व वार्ड पार्षद मिथिलेश कुमार झा, दिलीप कुमार दर्दी, संजय वशिष्ठ, मुक्तेश्वर सिंहकेँ सम्मानित कयल गेल। मंचस्थ वक्ता लोकनि मनोरंजन बाबूकेँ व्यक्तित्व आ कृतित्वक विस्तृत जानकारी दैत सराहना कयलनि। एहि अवसर पर ललित कुमार सिंह कहलनि, जे मनोरंजन बाबू हमरा सबकेँ छोड़ि गेलाह मुदा शिक्षा, साहित्य आ कलाकारक रूपें हुनका बिसरल नहिं जा सकैत अछि। हुनका स्मरण कयल गेल। हुनकर रचनाक संरक्षण आ नव पीढ़ीकेँ सौंपबाक लेल स्मृति चिन्ह, पुरस्कार आ स्मारकक निर्माण करबाक बहुत आवश्यकता बतौलनि । ओ कहलनि जे हुनक शब्द शैली आ प्रस्तुतिक शब्द हिनक साहित्यिक रचनामे गजब अछि।हुनकर समस्त रचना केर पुस्तकक रूपमे प्रस्तुत करब आवश्यक अछि, हुनका सदा केर लेल जीवित राखब हमर सबहक जिम्मेदारी अछि। मुख्य अतिथि डॉ. कुलानंद झा कहलनि जे स्वर्गीय मनोरंजन झा बहमुखी प्रतिभाक धनिक छलाह हुनकर बहुआयामी व्यक्तित्व छलनि। हुनकर बहुआयामी व्यक्तित्व एकटा शिक्षक, छात्र शिक्षक नेता, लोकतांत्रिक आवाज, मैथिली साहित्यमे अलग विचारधाराक छल। कवि बनि लोककेँ आकर्षित कयलनि। संगहि ‘ईटउघनी’ किताब लिखि समाज केर सोचय लेल मजबूर कयलनि। स्वर्गीय झा विधायक परमेश्वर कुमरक मार्गदर्शनमे राजनीति आ समाज कल्याणक लेल आजीवन काज कयलनि।पंडित छेदी झा द्विजवर पर पीएचडी केर डिग्री प्राप्त कयलनि। प्रोफेसर बनलाह। एही विश्वविद्यालय केर अध्यक्ष बनि छात्र आ शिक्षकक आवाज उठेलनि आ विभिन्न समस्याक समाधान कयलनि। अपन आत्मसम्मानक लेल ओ बहुत निर्भीक आ अदम्य साहसी छलाह। हुनकर अधूरा काजक सपना केर साकार करय लेल, पैतृक गाम आ कार्यस्थल पर जन्मोत्सव आ पुण्यतिथि समारोहक आयोजन होइत रहय केर चाही। एहि अवसर पर सत्यप्रकाश झा, कुमार विक्रमादित्य, शंभू नाथ झा, अजय झा, राजन आनंद, मनोज कुमार, अरविंद सिंह, तरुण झा, राहुल झा, निलेन्दु झा, समरप्रीत, नरेश झा, सुधा संध्या, संतोष झा, वेदप्रकाश, लखन यादव, चूड़ामणि यादव आदि उपस्थित छलथि।
