बेगूसरायमे क्रूरताक सभ सीमा पार, विवाहिताक संग सामूहिक बलात्कार

बेगूसराय।  समदिया

बेगूसरायमे एकटा चौंकाबय वला घटना सामने आयल अछि। 11 जूनक रातिमे पांच आदमी एकटा महिलाक संग सामूहिक बलात्कार कयलक। ओकर  लाश लग एकटा गोली, एकटा पाथर आ एकटा लकड़ीक टुकड़ा भेटल अछि। एहि घटनासँ पुलिस विभागमे हलचल मचल अछि। सूचना भेटला पर डीएसपी आ पुलिस अधिकारी सदर अस्पताल पहुंचलाह आ जांच शुरू कय देलनि।

ई घटना चकिया थाना क्षेत्रमे भेल अछि। पीड़िता बतौलनि जे 11 जूनकेँ राति करीब 11:30 बजे जखन ओ शौचालय गेलीह तँ पांच गोटे दरवाजा पर बैसि बाहरसँ दरवाजा पर ताला लगा देलक। शौचालयसँ बाहर निकलला पर ओ सभ ओकरा पकड़ि कय अन्हारमे ल गेल, जतय पांच आदमी एक-एक कय ओकरा संग बलात्कार कयलक।

महिला जखन छोड़बाक गुहार लगौलक तँ अपराधी ओकरा पर बेल्टसँ हमला केलक आ ओकरासँ मारपीट करय लागल। छाती आ जाँघकेँ ब्लेडसँ काटि देलक। पत्नीक आवाज सुनि पति घरसँ बाहर निकलबाक प्रयास केलक, मुदा गेट पर ताला लागल छल। तखन ओ महिलाक भौजीकेँ फोन कय घरसँ बाहर निकलल। तखन ओ थानामे फोन कयलनि, जतय हुनका अस्पताल जेबा लेल कहल गेल। महिलाक बयानक अनुसार पहिने बरौनी अस्पताल गेल छल, बादमे सदर अस्पताल भेजल गेल छल। इलाजक बादो हुनका आंतरिक अंगमे दर्द होइत रहलनि। दर्द बढ़ैत गेल, ओ सदर अस्पताल वापस आबि गेलीह। परीक्षणक दौरान हुनक देहसँ गोली, पाथर आ लकड़ीक टुकड़ा निकालल गेल।

पूछताछक दौरान महिलाक कहनाय छनि जे तीन महीना पहिने हुनक घरमे तीनटा हमलावर घुसि कय बलात्कारक कोशिश कयने छल। पाइ आ गहना लऽ कऽ भागि गेल। ओहि समय ओ पुलिसकेँ सेहो जानकारी देने छलीह, मुदा कोनो कार्यवाही नहि भेल।

सभ मामिलामे जांच कराओल जाएत। डीएसपी आनंद कुमार पाण्डेय महिलाक बयानकेँ सत्य प्रतीत होइत बतौलनि अछि। सभ बिन्दुक जांचक बाद घटनामे शामिल अपराधीकेँ गिरफ्तार कय शीघ्र मुकदमा चलाओल जायत। कोर्टमे देल गेल बयानमे बलात्कारक आरोप सेहो अछि। जँ पुलिसक लापरवाहीक खुलासा भेल तँ एहिमे शामिल पुलिस अधिकारीक खिलाफ कार्यवाही होएत।