राँचीमे आरएसएस कार्यालय पर भेल हमलाक मुख्य आरोपी हिरासतसँ भागल मुदा मुठभेड़मे घायल आ गिरफ्तार
राँची। समदिया
रांचीक नीवरनपुर स्थित राष्ट्रीय स्वयंसेवक संघक झारखंड राज्य कार्यालय पर पेट्रोल बमसँ हमलाक मामिला बृहस्पतिकेँ नव मोड़ ल लेलक। हमलाक लेल गिरफ्तार मुख्य आरोपी पुलिसक हिरासतसँ भागि गेल आ बादमे पुलिस मुठभेड़मे घायल भ गेल। ओकरा इलाजक लेल अस्पतालमे भर्ती कराओल गेल अछि। पुलिस घायल हमलावर पहिचान सैफ केर रूपमे कयलक अछि। पुलिसक अनुसार आरएसएस कार्यालयमे पेट्रोल बम फेकबाक आरोपमे गिरफ्तार आरोपी कोतवाली थाना परिसरमे राखल गेल छल। काल्हि दुपहरमे ओ पुलिस हिरासतसँ भागि गेल, जाहिसँ पुलिस टीम ओकर पीछा कयल गेल। मंदार इलाकामे आरोपी नुकाय केर कोशिशमे ओ कथित तौर पर एकटा पुलिसकर्मीक हथियार छीन कय गोली चला देलक। पुलिस आत्मरक्षामे जवाबी कार्यवववहि कयलक, जाहिमे आरोपी घायल भ गेल। ओकरा तुरंत अस्पताल पहुंचा देल गेल। चुटिया थाना क्षेत्र अन्तर्गत नीवरनपुर स्थित आरएसएस कार्यालय पर बीतल देर राति पेट्रोल बमसँ हमला कयल गेल। सीसीटीवी फुटेजमे देखल गेल अछि जे दूटा युवक कार्यालय परिसर दिस बम फेकैत अछि। एहि घटनामे कोनो तरहक जानमालक नुकसान नहि भेल अछि आओर कार्यालयकेँ सेहो कोनो खास नुकसान नहि भेल अछि।
संघक झारखंड राज्य प्रमुख नरसिंह कुमारक शिकायतक आधार पर चुटिया थानामे प्राथमिकी दर्ज कयल गेल अछि। प्राथमिकीमे कहल गेल अछि जे कार्यालय पर पेट्रोल बम फेक कय निशाना बनाओल गेल छल, जाहिसँ उपस्थित लोकक जान लेल खतरा अछि। एकरा गंभीर साजिश बताबैत शिकायतमे गैरकानूनी गतिविधि (निवारण) अधिनियम (यूएपीए) केर तहत कार्यवाहीक मांग कयल गेल अछि।
पुलिस एहि मामिलामे यूएपीए केर धारा सेहो जोड़ने अछि। आरएसएस कार्यालयमे सुरक्षा बढेबाक आ परिसरक चारूकात स्थायी पुलिस पिकेट लगेबाक मांग कयलक अछि।
संगठन केर कहब अछि कि कार्यालय परिसरमे नियमित रूपसँ बहुत कार्यकर्ता आ अधिकारी रहैत अछि आ भविष्यमें ऐहन घटनासँ काफी खतरा पैदा भ सकैत अछि। पुलिस एखन धरि एहि मामिलामे तीनटा आरोपीकेँ गिरफ्तार कय चुकल अछि। जांच एजेंसी हमलाक पाछु केर साजिश, आरोपीक बीचक अंतर्संबंध आओर संभावित नेटवर्कक जांच सेहो कय रहल अछि। अधिकारीक कहनाय छलनि जे जांच जारी अछि आओर सभ पहलूक गहन जांच भ रहल अछि।
