कंप्रोमाइज्ड पीएम भारत माताक बेटाक रक्षा नहि कय सकत : राहुल गांधी

नई दिल्ली। समदिया

होर्मुज जलडमरूमध्य लग व्यापारिक जहाज पर लगातार हमलामे तीन भारतीय केर मृत्युक मामिलामे लोकसभामे विपक्षक नेता राहुल गांधी प्रधानमंत्री नरेंद्र मोदीकेँ निशाना बनौलनि। पीएम मोदी पर हमला करैत राहुल गांधी ट्विटर पर लिखलनि जे जखन कोनो विदेशी शक्ति कोनो भारतीयकेँ मारैत अछि तँ प्रधानमंत्रीकेँ बाजय पड़ैत अछि, मुदा हुनका एको शब्द बजबाक हिम्मत नहिं भेल। ओ कहलनि जे पीएम मोदी एक कंप्रोमाइज्ड पीएम छथि।

पीएम मोदी पर हमला करैत राहुल गांधी लिखलनि जे समझौता पीएम भारत माताक पुत्रक रक्षा नहि कय सकैत छथि, कारण हुनकामे नहि हिम्मत छनि आ नहि ताकत छनि जे एहि बेटा सभक हत्या करयवला लोक सभकेँ नाराज कय सकथि। ओ एहि मुद्दा पर प्रधानमंत्रीक चुप्पी पर सवाल उठेलथि। राहुल गांधी लिखने छथि जे अगिला सप्ताह जी-7मे हमर नाविकक हत्याक किछुए दिन बाद मोदी मुस्कुरौताह, गले मिलताह आओर समझौता करताह। ओहि तीनू भारतीयक मृत्यु पर ओ एक्को शब्द नहि कहताह।

बृहस्पतिकेँ कांग्रेस अमेरिका केर लापरवाह सैन्य कार्यवाहीक निंदा कयलक। संगहि सरकार एहि मामिलामे जवाबदेही सुनिश्चित करबा लेल कूटनीतिक कदम उठाबय केर मांग कयलनि। विपक्ष पीएम मोदीकेँ बतैलक कि बेर-बेर अमेरिकी राष्ट्रपति डोनाल्ड ट्रंपक संग अपन निजी संबंधकेँ कूटनीतिक उपलब्धिक रूपमे पेश करय वला प्रधानमंत्री नरेंद्र मोदी जिम्मेदारीसँ नहि बचि सकैत छथि।

जनतब दी जे विदेश मंत्रालय एही बातकेँ स्वीकार कय लेलक अछि कि बुधदिन सेटेबेलो पर हमलामे तीन भारतीय केर मृत्यु भ गेल अछि। हमला पर नाराजगी व्यक्त करैत विदेश मंत्रालय अमेरिकी दूतावास केर प्रभारी  दूतावास के प्रभारी अधिकारी जेसन मीक्सकेँ तलब कयलक। एहीमे अमेरिकी नौसेना केर होर्मुज जलडमरूमध्यमे हमलाक निंदा सेहो कयल गेल अछि। विदेश मंत्री एस.जयशंकर एहि हमला पर रोक लगेबाक बात पर जोर देलनि अछि। भारतक कहब अछि कि व्यापारिक जहाज आ नागरिक नाविककेँ निशाना नहि बनाबय केर चाहि, चाहे क्षेत्रीय संघर्ष केर कोनो बात होय।