बिहारक राजधानी पटनामे आयोजित जन विश्वास रैली केर संबोधित करैत राजद नेता तेजस्वी यादव कहलनि कि चाचाजी पलटि गेलाह, जतय रहैथ खुश रहैथ। कांग्रेस नेता राहुल गांधी रैलीमे मंच स्थल पर पहुँचल छलथि। एहि अवसर पर कांग्रेसक राष्ट्रीय अध्यक्ष मल्लिकार्जुन खड़गे, राजद प्रमुख लालू प्रसाद यादव, बिहारक पूर्व मुख्यमंत्री राबड़ी देवी, माकपा महासचिव सीताराम येचुरी सहित अन्य नेता उपस्थित छलाह।
जन विश्वास रैलीकेँ संबोधित करैत तेजस्वी यादव कहलनि, “जतय धरि हमर दृष्टि जा रहल अछि, खाली लोके लोक देखाइ पड़ि रहल अछि। पटनाक सड़क पर सेहो लोक उपस्थित अछि, प्रशासन राति भरि परेशान कयलक मुदा अहाँ सभ एतय पहुँचि गेलौंह।
संगहि राजद नेता ‘नीतीश जी हमर चाचा छथि, हम हुनकर सम्मान करैत छी, मुदा इ उहे नीतीश कुमार छथि, जखन हम २०२० मे वादा कयने छलौंह जे हम १० लाख सरकारी नौकरी देब, तखन ओ कहने छलथि जे ई असंभव अछि, मुदि जे १७ सालमे नहिं भेल, से हम ओही मुख्यमंत्रीक हाथसँ लगभग ५ लाख लोककेँ सरकारी नौकरी दियाबय केर काज कयलौंह।”
