किरु हाइड्रो प्रोजेक्ट मामिलामे सीबीआई जम्मू-कश्मीरक पूर्व राज्यपाल सत्यपाल मलिकक घर सहित ३० आओर स्थानपर छापा मारि रहल अछि। ई कार्रवाई किरू हाइड्रोइलेक्ट्रिक प्रोजेक्टमे हेराफेरीक संबंधमे कयल गेल अछि।
सत्यपाल मलिक छापामारी पर कहलनि, “हम बीमार छी आ पिछला ३-४ दिनसँ अस्पतालमे भर्ती छी। एकर बावजूद, सरकारी एजेंसी द्वारा तानाशाह द्वारा हमर घर पर छापा मारल जा रहल अछि। हमर ड्राइवर, हमर सहायक पर सेहो छापा मारल जा रहल अछि आ हुनका सभ के अनावश्यक रूपसँ प्रताड़ित कैल जा रहल अछि। हम एकटा किसानक बेटा छी, हम एहि छापा सभसँ नहिं डरब। हम किसानक संग छी।
मलिक कहलनि, “जाहि व्यक्तिक हम शिकायत कयने छलहुँ, ओकर जाँच नहिं कयल गेल मुदा सीबीआई हमर निवास पर छापा मारलक। हमरा लगसँ ४-५ कुर्ता पायजामाक अलावा किछु नहिं भेटत। तानाशाह सरकारी एजेंसीक दुरुपयोग कऽ हमरा डरयबाक कोशिश कऽ रहल छथि। हम किसानक बेटा छी, हम नहि डरब, आ ने झुकब।”
