सहरसा पुलिस सेंटरमे जल्दिये नवीन पुरुष बैरकक निर्माण होएत। विधान पार्षद डॉ. अजय कुमार सिंह कहलनि जे, तीन सय लोकक क्षमता वाला पुरुष पुलिस बैरकक निर्माण लेल अनुमान तैयार भऽ रहल अछि। ध्यान देबऽ वाला बात छै कि ई आशय हेतु एकटा तारांकित सवाल डॉ. अजय कुमार सिंह विधान परिषदमे पूछलनि । एहिसँ पहिने सेहो पिछला साल आयोजित सत्रमे विधान पार्षद महिला आ पुरुष पुलिस बैरक बनेबाक आग्रह कयने छलाह। एहि साल पिछला सत्रमे फेर सरकारक ध्यान आकर्षित करेलनि। सरकारक तरफसँ मंत्री विजेन्द्र यादव सदनमे कहलनि जे, १०० लोकक क्षमता वाला महिला बैरकक निर्माणक मंजूरी देल गेल अछि।संगहि 300 क्षमता वाला पुरुष बैरकक निर्माणक अनुमान तैयार कएल जा रहल अछि। संगहि, चारि थानामे दस क्षमता वाला महिला बैरक बनेबाक लेल सहमति देल गेल अछि जाहिमे एक थानामे बीस गोटेक क्षमता होएत। उल्लेखनीय अछि जे स्थानीय पुलिस केंद्रमे अपन क्षमतासँ बेसी पुरुष आ महिला सिपाही रहबा लेल मजबूर अछि। स्थानीय पुलिस केन्द्रक बैरकक हालत चिंताजनक अछि आ बुनियादी सुविधाक अभाव अछि। सरकारक तरफसँ मंत्री आश्वासन देलखिन्ह जे सभ बेसिक जरूरत पूरा होएत।संगहि पुलिस केंद्रक घेराबंदी पर मंत्री तत्काल कार्रवाईक आश्वासन देलथि।
