राजनीति कटिहारमे राहुल गांधीक न्याय यात्रामे मचल भगदड़, गाड़ी क्षतिग्रस्त January 31, 2024 Maithil Punarjagran Prakash कटिहार * राहुल गाँधीक न्याय यात्रामे भगदड़क कारण कटिहारमे अफरातफरी मचि गेल। यात्राक क्रममे अचानक, भगदड़ मचि गेल। कटिहारमे निकालल जा रहल एहि न्याय मार्चक दौरान राहुल गाँधीक गाड़ी क्षतिग्रस्त भऽ गेल, शीशा टूटि गेल। मुदा, कड़ा सुरक्षाक कारण राहुल गाँधीकेँ किछु नहिं भेल। एहि घटनाक बाद राहुल गाँधी बसमे बैसि गेलाह। राहुल गाँधीक न्याय यात्रा बिहारसँ बंगालमे प्रवेश करत। राहुल गाँधीक भारत जोड़ो न्याय यात्राक काल्हि १८म दिन छल। काल्हि कटिहारमे विभिन्न मार्गसँ न्याय यात्रा निकालल गेल। एहि आकस्मिक यात्राक क्रममे राहुलक समर्थकसभसँ भेंट करबाक लेल भगदड़ मचि गेल। राहुल गाँधी कहलनि किछु भऽ जाय, ई न्याय यात्रा नहिं रुकत। राहुल कहलनि जे विपक्ष चाहैत अछि जे ई न्याय मार्च विफल होइ मुदा हम एहन नहिं होबय देब। बसमे चढ़ल राहुल गाँधीकेँ देखबाक लेल लोक सड़क पर दौड़ैत देखल गेल। सड़कक दुनू कात लोकक कतार लागल छल, आ राहुल गाँधीकेँ देखबाक लेल घरक छतपर लोक ठाढ़ छल। ओना, प्रशासन लोकसभकेँ बससँ दूर रखबाक प्रयास कऽ रहल छल जाहिसँ दुर्घटना नहिं होय। न्याय यात्रा मिर्चाईबारी डीएस कॉलेज होइत लाभा गेल। एतय राहुल जनसंवाद करताह आ फेर बंगाल दिस कूच करताह। Spread the love
