कैबिनेटक प्रमुख निर्णय, 11 ग्रीनफील्ड टाउनशिपक लेल जमीन खरीद-बिक्री पर रोक
पटना। समदिया
मुख्यमन्त्री सम्राट चौधरी काल्हि कैबिनेट बैसार बजौलनि। मंत्रिमंडलक बैसारमे कुल 22टा एजेंडा कय मंजूरी देल गेल। टाउनशिप क्षेत्रमे जमीनक खरीद, बिक्री, हस्तांतरण आ विकास आ भवनक निर्माणसँ जुड़ल सभ गतिविधि पर तुरंत रोक लगाबय केर फैसला कयल गेल अछि।
पटना, सोनपुर, गयाजी, दरिभंगा, सहरसा, पूर्णिया आ मुंगेरमे चिन्हित टाउनशिपक विशेष क्षेत्र आ कोर जोनक लेल मास्टर प्लानक सूचना देबा लेल 31 मार्च 2027 धरि टाउनशिप क्षेत्रमे जमीनक खरीद, बिक्री, स्थानांतरण आ विकाससँ संबंधित सभटा गतिविधि पर तत्काल रोक लगाउल गेल अछि आ विस्तारक मास्टर प्लान कय सूचित कयल जाएत आ मुजफ्फरपुर, छपरा, भागलपुर आ सीतामढ़ी (सीतापुरम)मे चिन्हित टाउनशिपकेँ विशेष क्षेत्र आ कोर जोनकें लेल 30 जून, 2027 धरि रोकक योजना अछि।
अनुशंसित विशेष क्षेत्र आ कोर क्षेत्रक संग सभटा 11 टाउनशिपक नामकेँ मंजूरी भेट गेल अछि। इ टाउनशिपकें विकाससँ राज्यमे नियोजित शहरीकरण आ मास्टर प्लान आधारित विकास सुनिश्चित कयल जायत, नव आर्थिक गतिविधि केंद्रकें निर्माण होयत, राज्यकें अर्थव्यवस्थामे संरचनात्मक रूपसँ रूपांतरण होयत, नव रोजगार पैदा होयत आ नागरिककें उच्च गुणवत्ता वला शहरी सुविधा उपलब्ध करायत। एही उपग्रह टाउनशिप केर विकाससँ मौजूदा शहर पर बोझ कम भ जायत, योजनाबद्ध शहरी विस्तारमे सुविधा भेटत आ निजी आ संस्थागत निवेशमे वृद्धि होयत।
