बिहार लोक सेवा आयोग (बीपीएससी) शिक्षक भर्ती परीक्षा केर तैयारी पूरा कऽ लेल गेल अछि। परीक्षा १५ मार्चकेँ अछि। एकर माध्यमसँ शिक्षकक ८७ हजार ७७४ पदक नियुक्ति होएत। राजधानी पटनामे ३०टा परीक्षा केन्द्र स्थापित कयल गेल अछि। शिक्षक भर्ती परीक्षाक सेंटर कोड बुध अर्थात आइ जारी कऽ देल जायत।
बिहार लोक सेवा आयोग (बीपीएससी) शिक्षक भर्तीक तेसर चरणक परीक्षा १५ मार्चकेँ होयत। पहिल पालीक लेल २.१४ लाख अभ्यर्थी आवेदन कयलनि। कुल ४१५ परीक्षा केन्द्र स्थापित कयल गेल अछि। दोसर पालीमे १.६० लाख अभ्यर्थी परीक्षामे शामिल होएत। हुनका लेल २१७ केंद्र अछि।
एहि बात सभक राखी ध्यान :-
बीपीएससी अभ्यर्थी सभकेँ सलाह देलक अछि जे ओ अढ़ाई घंटा पहिने परीक्षा केन्द्र पर पहुँचि जाय। प्रवेश एक घंटा पहिने बंद भए जाएत। ओकर बाद परीक्षा केंद्रमे केकरो प्रवेश नहिं भेटत। परीक्षा केंद्र पर अभ्यर्थीकेँ तीन स्तर पर जांच कयल जायत। बायोमेट्रिक उपस्थितिक सङ्ग-सङ्ग फेस आ आँखिक पुतलीक जाँच कयल जायत।
शिक्षक नियुक्ति परीक्षामे शामिल होबय वाला नकली उम्मीदवारकेँ बैसब महग पड़ि सकैत अछि। एहन उम्मीदवारक खिलाफ तत्काल एफआईआर दर्ज कएल जाएत। एकरा ब्लैकलिस्ट सेहो कए देल जाएत। एहन मुन्ना भाई आयोगक कोनो परीक्षामे नहिं बैस सकत।
परीक्षार्थी ध्यान देब :-
१) अभ्यर्थीकेँ हरदम ई-एडमिट कार्ड संग रखबाक चाही आ एकर एकटा प्रति भविष्यक संदर्भक लेल सुरक्षित रखबाक चाही। आयोग प्रवेश पत्रक डुप्लिकेट प्रति नहिं देत।
३) अभ्यर्थीकेँ पहचानक लेल आधार कार्ड वा कोनो पहचान प्रमाण पत्र लेबय पड़त। संगहि, अहाँक हस्ताक्षरक संग पहचान पत्रक फोटोकॉपी आ पासपोर्ट आकारक फोटोग्राफक आवश्यकता भऽ सकैत अछि।
परीक्षाक नव तिथिक प्रतीक्षा
माध्यमिक विद्यालयमे शिक्षकक भर्तीक लेल परीक्षाक नव तिथि एखन धरि घोषित नहिं कयल गेल अछि। उच्च माध्यमिक परीक्षा कहिया होयत, एकरो घोषणा एखनि धरि नहिं कयल गेल अछि। पहिने ई १६ मार्चकेँ होबयवाला छल, जकरा अपरिहार्य कारणसँ स्थगित कय देल गेल छल।
