भारतीय जनता पार्टी (भाजपा) बृहस्पतिकेँ एकटा वीडियो डॉक्यूमेंट्री जारी कयलक जाहिमे पश्चिम बंगालक मुख्यमंत्री ममता बनर्जीपर सन्देशखलीक बारेमे सच्चाई छुपयबाक प्रयास करबाक आरोप लगाओल गेल।
भाजपा बृहस्पतिकेँ अपन सोशल मीडिया प्लेटफॉर्म पर सन्देशखलीक स्थिति पर २० मिनटक ४१ सेकण्डक वृत्तचित्र जारी कयलक, जाहिमे राज्यक ममता सरकारकेँ निशाना बनाओल गेल। भाजपा सन्देशखलीक स्थिति पर एकटा वृत्तचित्र जारी कयलक आ कहलक, “एकटा एहन सत्य जे हमरासभकेँ आश्चर्यचकित कऽ देत। एकटा एहेन सत्य जे हमरा हमरा सभकेँ पीड़ा पहुँचायत। एकटा एहेन सत्य जे हमर सभक अंतरात्माकेँ झकझोरि देत। संदेशखलीक सच्चाई, जकरा ममता बनर्जी छिपाबय केर कोशिश कऽ रहल छथि।”
एहि डॉक्यूमेंट्री वीडियोमे बहुत रास महिलाकेँ अपन आपबीती सुनबैत ई बताओल गेल अछि जे कोन प्रकारसँ हुनका सभक संग यौन शोषण कयल गेल। पुलिस सेहो हुनकर मदद नहिं कयलक।
जनतब जे पश्चिम बंगालक उत्तर परगना जिलाक संदेशखालीमे महिला सभ द्वारा लगाओल जा रहल आरोप सभकेँ राज्यक लेल बहुत शर्मनाक बताबैत भाजपा लगातार राज्यक मुख्यमंत्री पर अपनी पार्टीक नेता शाहजहां शेखकेँ बचायब आ सरंक्षण देबय केर आरोप लगा रहल अछि। भाजपा एहि अपराधक मसला पर बंगालसँ दिल्ली तक ममता सरकारक खिलाफ मोर्चा खोलने अछि।