बिहारक राजधानी पटनामे उपद्रवी सभक मनोबल मजबूत भऽ रहल अछि। सोमदिन भोरमे एतय भाजपा नेताक गोली मारि हत्या कऽ देल गेलक। भाजपा नेताक माथमे अज्ञात बाइक सवार हमलावर गोली मारि देलक, जाहिसँ हुनकर मृत्यु भऽ गेल। अपराधी सभ ई घटना पटनाक चौक थाना क्षेत्रक रामदेव महतो सामुदायिक हॉल लग कयलक अछि। घटनाक सीसीटीवी फुटेज सेहो सामने आयल अछि। घटनाक बाद आरोपी बाइक पर घटनास्थलसँ भागि गेल। पुलिसक टीम घटनास्थल पर पहुँचि गेल छल आ मामिलाक जाँच कयल जा रहल अछि।
पूरा घटना चौक थाना क्षेत्रक बताओल जा रहल अछि। एतय रामदेव महतो सामुदायिक हॉल लग अज्ञात हमलावर भाजपा नेताक माथमे गोली मारि देलक। भाजपा नेताक पहिचान श्याम सुंदर शर्मा उर्फ मुन्ना शर्माक रूपमे भेल अछि।
कहल जा रहल अछि जे श्याम सुंदर शर्मा उर्फ मुन्ना शर्मा भाजपा चौक मंडलक पूर्व अध्यक्ष रहि चुकल छथि। घटनाक सीसीटीवी फुटेज सेहो सामने आयल अछि। पुलिस लगपासक अन्य सीसीटीवी फुटेज सेहो स्कैन कऽ रहल अछि।
जानकारीक अनुसार रवि दिन मुन्ना शर्माक घर पर बेटाक छेका छल। सोमदिन भोरे, ओ परिवारक सदस्यसभकेँ छोड़बाक लेल सड़क पर अयलाह। हुनकर गलामे सोनाक चेन छल, उपद्रवी सभ चेन छीनबाक प्रयास कयलक। एहि दौरान जखनि भाजपा नेता हुनकर विरोध कयलनि तखनि उपद्रवी गोली चला देलक। गोली भाजपा नेताक माथमे लागल, जाहिसँ हुनकर मृत्यु भऽ गेल। घटनाक बाद पुलिसक टीम सेहो घटनास्थल पर पहुँचि गेल अछि। पुलिस घटनास्थलक निरीक्षण कऽ सीसीटीवी फुटेज खंगालि रहल अछि। घटनाक दौरान एकटा वीडियो सेहो सामने आयल अछि, जकर आधार पर पुलिस जाँच कऽ रहल अछि।
