भाजपा अध्यक्ष जे.पी. सिंह नड्डा लोकसभा चुनाव २०२४ केर लेल चुनाव घोषणापत्र समितिक घोषणा कयलनि, जकर अध्यक्षता रक्षामंत्री राजनाथ सिंह करताह।
भाजपा लोकसभा चुनाव २०२४क लेल घोषणापत्र समितिक घोषणा कयलक अछि। एहि समितिमे कुल २७ सदस्य छथि। संगहि रक्षा मंत्री राजनाथ सिंहकेँ समितिक अध्यक्ष बनाओल गेल अछि। समितिमे चारि राज्यक मुख्यमंत्री सेहो छथि। जाहिमे मध्य प्रदेशक मुख्यमंत्री मोहन यादव, असमक मुख्यमंत्री हिमंत बिस्वा शर्मा, गुजरातक मुख्यमंत्री भूपेन्द्र पटेल आ छत्तीसगढ़क विष्णुदेव साय केर सङ्ग-सङ्ग किरेन रिजिजू, अश्विनी वैष्णव, वसुंधरा राजे आ स्मृति ईरानीक नाम सेहो शामिल अछि।
१९ अप्रैलसँ सात चरणमे ५४३ लोकसभा सीटक लेल मतदान होयत। ओतहि आम चुनावक परिणाम ४ जून २०२४ केँ घोषित कयल जायत। मतदान १९ अप्रैलसँ शुरू होएत। भाजपा गुजरात, हिमाचल प्रदेश, कर्नाटक आ पश्चिम बंगालमे आगामी उपचुनावक लेल उम्मीदवारक सूची जारी कऽ देलक अछि।
