अरबक ओमानक सुल्तान हैथम बिन तारिक आ प्रधानमंत्री मोदीक बीच दिल्लीमे द्विपक्षीय वार्ता

नई दिल्ली

*

प्रधानमंत्री मोदी आ हैथम बिन तारिकक बीच द्विपक्षीय बैठक दिल्लीक हैदराबाद हाउसमे भेल। अरब दुनियाक सबसँ पुरान स्वतंत्र राज्य ओमानक सुल्तान हैथम बिन तारिक अपन पहिल राजकीय यात्रापर भारत पहुँचल छथि। आइ भोरे राष्ट्रपति भवनमे राष्ट्रपति द्रौपदी मुर्मू आ प्रधानमंत्री नरेन्द्र मोदी हुनक गर्मजोशीसँ स्वागत कयलनि। एकर बाद प्रधानमंत्री नरेन्द्र मोदी आ ओमानक सुल्तान हैथम बिन तारिक दिल्लीक हैदराबाद हाउस पहुँचलाह। दुनू नेता अईठाम भेंट कयलनि। हुनका लोकनिक बीच द्विपक्षीय बातचीत भेल।

प्रधानमंत्री नरेन्द्र मोदी आ ओमानक सुल्तान हैथम बिन तारिक नई दिल्लीक हैदराबाद हाउसमे प्रतिनिधिमण्डल स्तरक वार्ता कयलनि। एहि दौरान पीएम मोदी कहलखिन, ‘भारतमे अहाँक स्वागत करैत हम प्रसन्न छी। ओमान-भारत सम्बन्धमे आइ एकटा ऐतिहासिक दिन अछि किएक तँ ओमानक सुल्तान २६ सालक बाद राजकीय यात्रापर भारत आयल छथि। हमरा अहांकेँ स्वागत करबाक अवसर भेटल अछि। भारतक जनताक तरफसँ हम अहांक स्वागत करैत छी।”

मोदी आगू कहलनि “आइ हम भारत-ओमानक एकटा नव संयुक्त दृष्टिकोणकेँ अपना रहल छी। भविष्यक लेल एकटा साझेदारी केर अपना रहल छी। एहि संयुक्त दृष्टिमे दस अलग-अलग क्षेत्रमे ठोस कार्य बिन्दु पर सहमति बनल अछि। हमरा विश्वास अछि जे संयुक्त दृष्टि हमर साझेदारीकेँ एकटा नव आ आधुनिक आकार देत। हमरा खुशी अछि जे सीईपीए समझौता पर चर्चा चलि रहल अछि आ दू चरणक चर्चा सफलतापूर्वक पूरा भेल अछि, जाहिमे बहुत रास महत्वपूर्ण मुद्दा पर सहमति बनल अछि। हमरा आशा अछि जे हम जल्दिये एहि समझौतापर हस्ताक्षर करबामे सक्षम होयब जे हमर आर्थिक सहयोगमे एकटा नव आयाम जोड़त।”

पुनः प्रधानमंत्री नरेन्द्र मोदी आगू कहलनि “पछिला महीना ओमान २०२४ मे होबयवला टी-२० क्रिकेट विश्व कपक लेल क्वालीफाई कयलक। हम अहांकेँ एहि लेल बधाई दैत छी।”

ओमानक सुल्तान हैथम बिन तारिक नई दिल्लीमे नेशनल गैलरी ऑफ मॉडर्न आर्टक दौरा कयलनि। प्रधानमंत्री मोदी सुल्तान हैथम बिन तारिकक सम्मानमे लंचक मेजबानी सेहो करताह।

सुल्तान हैथम बिन तारिक शुक्रदिन भारतक तीन दिवसीय राजकीय यात्रापर नई दिल्ली पहुँचल छथि। एतय केन्द्रीय विदेश राज्य मंत्री वी. मुरलीधरन हुनक स्वागत कयलनि। एहि यात्रासँ भारत आ ओमानक बीच द्विपक्षीय सम्बन्ध आ मित्रता मजबूत होयत।

सुल्तान यात्राक पहिल दिन विदेश मंत्री डॉ. एस जयशंकरसँ भेंट कयने छलाह। एहि दौरान दुनू देशसँ जुड़ल कतेको महत्वपूर्ण मुद्दा पर चर्चा भेल। जयशंकर कहने छलाह जे विदेश मंत्रालय भारत आ ओमानक बीच रणनीतिक साझेदारीकेँ आओर प्रगाढ़ करबामे सुल्तानक मार्गदर्शनकेँ महत्व दैत अछि। राजकीय यात्राक प्रारम्भमे ओमानक महामहिम सुल्तान हैथम बिन तारिकसँ भेँट करब सम्मानक बात अछि।

विदेश राज्य मंत्री वी मुरलीधरन एहि सालक प्रारम्भमे ओमानक दौरा कयलनि। सुल्तान एखनि भारत पहुंचल छथि। विदेश मंत्रालयक प्रवक्ता अरिंदम बागची हुनक आगमन पर कहलनि, “हुनक यात्रा भारत-ओमान सम्बन्धकेँ आओर मजबूत करत। ई यात्रा दुनू देशक बीच आपसी सहयोग आ मित्रताकेँ मजबूत करबामे सेहो बहुत प्रभावी साबित होयत।”

ओमान १५० सँ बेसी कार्य समूहक बैसारमे सक्रिय रूपसँ भाग लेलनि। ओमानक नौ गोट मंत्री जी-२० मंत्रिस्तरीय बैसारमे भाग लेलनि।

भारत आ ओमानक बीच संबंध बहुत पुरान अछि।

विदेश मंत्रालयक अनुसार, ओमानक राष्ट्रपतिक सङ्ग वरिष्ठ मंत्री आ अधिकारीसभक एकटा उच्चस्तरीय प्रतिनिधिमण्डल रहैत अछि। भारत आ ओमानक बीच ऐतिहासिक, सांस्कृतिक आ आर्थिक सम्बन्ध पर आधारित दीर्घकालिक मित्रता अछि। दुनू देशक बीच कूटनीतिक सम्बन्ध १९५५ मे स्थापित भेल छल आ २००८मे जखन तत्कालीन प्रधानमन्त्री डॉ. मनमोहन सिंह खाड़ी देशक दौरा कयलनि तखन सम्बन्धकेँ रणनीतिक साझेदारीमे उन्नत कयल गेल। २०१८ मे प्रधानमंत्री नरेन्द्र मोदीक ओमान यात्रा दुनू देशक बीच द्विपक्षीय सम्बन्धक एकटा महत्वपूर्ण अध्याय जोड़लक।