प्रथम आ द्वितीय दुनू मिथिला क्षेत्रीय बिहारक पूर्णियां आ समस्तीपुरक
*
पटना
*
बिहार स्कूल परीक्षा बोर्ड (बीएसईबी) दसवीं केर परीक्षाक परिणाम घोषित कऽ देलक अछि। बिहार स्कूल परीक्षा बोर्डक अध्यक्ष आनन्द किशोर बीएसईबी कार्यालयमे लैपटॉपक माध्यमसँ परिणामक घोषणा कयलनि।
बिहार बोर्ड मैट्रिक परीक्षा २०२४ मे टॉप करयवला छात्रक लेल नीक खबरि अछि। हर साल जकाँ एहि साल सेहो बिहार स्कूल परीक्षा बोर्ड नगद पुरस्कारक संग लैपटॉप दऽ टॉपर छात्रकेँ सम्मानित करत। ई छात्रसभकेँ प्रेरित करत, आ भविष्यमे सेहो हुनका नीक प्रदर्शन करबाक प्रेरणा भेटत। बिहार बोर्डक अध्यक्ष आनन्द किशोर टॉपर छात्रकेँ देल जायवला पुरस्कारक घोषणा कयलनि अछि।
टॉपर्स केँ ई पुरस्कार भेटत
प्रथम पुरस्कार विजेताकेँ एक लाख टाकाक नकद पुरस्कार, लैपटॉप, पदक आ प्रमाणपत्र देल जायत। दोसर टॉपरकेँ ७५ हजार टाका, एकटा लैपटॉप, मेडल आ सर्टिफिकेट देल जाएत। ओतहि, तेसर टॉपरकेँ ५०,००० रुपैयाक नकद पुरस्कार, लैपटॉप, पदक आ प्रमाणपत्र देल जायत। एकर अलावा जे छात्र चारिमसँ दसवीं रैंक प्राप्त करत, ओकरा १०-१० हजार रुपया, लैपटॉप, पदक आ सर्टिफिकेट देल जायत।
टॉपरक नाम आ मेरिट लिस्ट जारी कयल गेल अछि। बिहार बोर्ड मैट्रिक परिणाम २०२४ बीएसईबी केर अध्यक्ष आनंद किशोर द्वारा घोषित कयल गेल अछि।
बिहार बोर्ड मैट्रिक परीक्षाक पास प्रतिशत ८२.९१ अछि। एहि साल बिहार बोर्ड मैट्रिक परीक्षामे कुल १६ लाख ६४ हजार २५२ छात्र शामिल भेल। एहिमेसँ १३,७९,५४२ उत्तीर्ण भेल अछि। मिथिला क्षेत्रीय पूर्णिया निवासी शिवंकर कुमार बिहार बोर्ड मैट्रिक परिणाम २०२४ मे शीर्ष स्थान प्राप्त कयने छथि। ओ बिहार बोर्ड १०म परीक्षामे कुल ४८९ अंक प्राप्त कयने छथि। हुनक बाद मिथिले क्षेत्रक समस्तीपुरक आदर्श कुमार दोसर स्थान पर छथि। ई ४८८ अंक प्राप्त कयलनि अछि।
बिहार बोर्ड १०म रिजल्ट biharboardonline.bihar.gov.in पर चेक कय सकैत छी।बिहार विद्यालय परीक्षा समिति तय शेड्यूलक अनुसार, ३१ मार्च २०२४ केँ दुपहरमे परिणाम घोषित कयलक अछि।
