बिहारमे किसान सभकेँ सदिखन अपन फसिल बेचबाक चिन्ता रहैत छलनि। फसिलक सही दाम भेटबाक आशंका रहैत छल। फसिलकेँ बजारमे लऽ कऽ किसानक भीतर बिचौलियाक भय सेहो रहैत छल। एहि सभकेँ ध्यानमे रखैत सरकार किसानक लेल राष्ट्रीय कृषि बाजार अर्थात ई-नाम योजना शुरू कयलक अछि। एकर मुख्य उद्देश्य किसानक समस्याकेँ कम करब अछि।
एहि क्रममे सरकार राष्ट्रीय कृषि बाजार (ई-नाम) योजना शुरू कयलक अछि। एहि योजनाक अन्तर्गत किसान घरेमे बैसल अपन फसिल आसानीसँ बेचि सकैत छथि। एतबे नहि, सरकार किसानक आमदनी दुगुना करबाक लेल राष्ट्रीय कृषि बजारक स्थापना कयलक अछि। डिजिटल प्लेटफार्मक उद्देश्य ई अछि जे ई एक तरहक ऑनलाइन बाजार अछि। जतय किसान आसानीसँ अपन फसिल बेचि सकैत छथि। कृषि संयोजक शिव कुमार मिश्र कहलनि जे एहि योजनाक अन्तर्गत किसान अपन पंजीयन करा कए अपन उपजक उचित मूल्य पाबि सकैत छथि आ देशमे जतय चाहैत छथि अपन उपज बेचि सकैत छथि।
