बिहार बोर्ड १२म केर छात्रगणकेँ बोर्ड परिणामक प्रतीक्षा खतम भेल। बिहार बोर्ड इंटरमीडिएट परिणाम घोषित कऽ देलक अछि। तुषार कुमार इंटरमीडिएट परीक्षामे शीर्ष स्थान प्राप्त कयलनि अछि।
जे छात्र बिहार बोर्ड १२म परीक्षा २०२४ देने छथि, ओ बोर्डक आधिकारिक वेबसाइट biharboardonline.bihar.gov.in पर जा कए अपन परिणाम देखि सकैत छथि। बीएसईबी कक्षा १२ परिणाम २०२४ केर जाँच करय लेल छात्रकेँ रोल नंबर आ रोल कोडक उपयोग करय पड़त। एहि साल पटनाक तुषार कुमार आर्ट्समे बिहार बोर्ड १२म केर परीक्षामे शीर्ष स्थान प्राप्त कयलनि। सिवानक मृत्युंजय कुमार साइंसमे शीर्ष स्थान प्राप्त कयलनि। शेखपुराक प्रिया कुमारी काॅमर्समे शीर्ष स्थान प्राप्त कयलीह। एहि साल बिहार बोर्ड कक्षा १२ केर परीक्षामे १३ लाखसँ बेसी छात्र उपस्थित भेल छलथि।
बिहार बोर्ड प्रत्येक सालक भांति रिजल्टक घोषणा एकटा प्रेस कॉन्फ्रेंसमे कयलक अछि। बीएसईबी इंटर परीक्षा परिणाम केर संग टॉपर लिस्ट सेहो जारी कयलक अछि। बोर्ड कॉमर्स, साइंस आ आटर्स तीनू स्ट्रीमक टॉपरों केर नामक घोषणा कॉन्फ्रेसमे कयलक अछि।
बिहार बोर्ड इंटर रिजल्ट की ऑफिशियल वेबसाइट
biharboardonline.bihar.gov.in
secondary.biharboardonline.com
आंकड़ाक बात करी तऽ बिहार बोर्ड इंटरमीडिएट यानी कक्षा १२म परीक्षामे एहि साल कुल १३,०४,३५२ स्टूडेंट भाग लेलक, जाहिमे ६,२६,४३१ लड़की आ ६,७७,९२१ लड़का छल। ओतहि मैट्रिकक परीक्षा १६ लाख ९४ हजार ५६४ स्टूडेंट देलक अछि।
गत साल बिहार बोर्ड इंटर कॉमर्स स्ट्रीमक पास पर्सेंटेज ९३.९५ प्रतिशत, जखनि कि साइंसक ८३. ९३ प्रतिशत आ आर्ट्सक पास पर्सेंटेज ८२.७४ प्रतिशत रहल छल।
बिहार बोर्ड इंटर (१२म) परिणाम २०२४ एना देखी :-
०१) छात्र बोर्डक आधिकारिक वेबसाइट biharboardonline.bihar.gov.in पर जाउ।
०२) होमपेज पर Bihar Board Intermediate Result 2024 लिंक पर क्लिक करु।
०३) एकर बाद स्टूडेंट अपन रोल नंबर आ रोल कोड एंटर करू।
०४) आब व्यू बटन पर क्लिक करिते रिजल्ट स्क्रीन पर देखाई लागत।
०५) एतय बिहार बोर्ड इंटरमीडिएट रिजल्ट 2024 देखू।
०६) अंतमे BSEB 12th Result 2024 केर डाउनलोड कय, प्रिंट निकाल ली।
