अंग्रेजी नव वर्षक अवसर पर दूध विक्रेता संघ द्वारा ‘भगैत’ लोक गाथा आ दरिद्र नारायण भोज क आयोजन

सहरसा समदिया

*

अंग्रेजी नव वर्ष केर शुभ अवसर पर मंगल कऽ सहरसा जंक्शनक प्लेटफार्म नंबर दू केर उत्तरी भागमे दूध विक्रेता संघक तरफसँ दरिद्र नारायण भोज केर आयोजन कयल गेल। एहि अवसर पर दूध विक्रेता संघ द्वारा श्रद्धापूर्वक गरीब आ असहाय लोककेँ चूरा, दही, चीनीक संग भोजन परोसल गेल। भोजनक बाद सबकेँ दक्षिणा दक्ष कऽ सेहो सम्मानित कयल गेल। संघ केर अध्यक्ष विलास यादव आ युवा अध्यक्ष संजय यादव कहलनि जे, पूर्वज द्वारा शुरू कयल गेल एहि भोजक आयोजन पिछला 40 सालसँ हर साल लगातार होइत अछि। ओ कहला जे गरीबकेँ भोजन देलासँ संतुष्टि भेटैत अछि। दरिद्र नारायण भोजक आयोजन हर साल संघ द्वारा कयल जाइत अछि। एहिसँ पहिने दूध विक्रेता संघ आर कारू खिरहर विकास परिषद केर तत्वावधानमे मत्स्यगंधा परिसरमे भगैत लोक गाथा आर धर्म सभाक आयोजन कयल गेल। ‘भगैत’ महासभाक राष्ट्रीय अध्यक्ष देवनारायण यादव अशोक मानव, सचिव सुरेश यादव, कोषाध्यक्ष कारी यादव, सभापति अजय यादव कहलनि जे, हर साल दूध विक्रेता संघ भोजक आयोजन करैत अछि। एहि अवसर पर बिन्देश्वरी पंजियार, बिरजू यादव, रणविजय यादव, सुशील यादव, राजीव यादव, कन्हैया यादव, बजरंगी यादव, संजीत यादव, मंटू यादव, अरुण यादव, महेश्वर यादव, सज्जन यादव, घोघर यादव, सिपू यादव, सुशील यादव, अमन कुमार, बिरजू यादव, हिमांशु शेखर, दिनेश पौद्दार सहित अन्यान्य लोक उपस्थित रहलाह।