असम पुलिस राज्य भरिक कतेको ठाम मादक पदार्थक विरुद्ध अपन अभियान जारी रखने अछि। राज्यक हैलाकांडी जिलामे भेल एहने एकटा अभियानक दौरान स्थानीय पुलिस द्वारा मादक पदार्थ बेचनिहार एकटा महिलाकेँ गिरफ्तार कयल गेल। मिलल जानकारीक मुताबिक हैलाकांडी थानाक जवानक टीम द्वारा ओही थाना अंतर्गत बंदुकमारा अंचलमे अभियान चलाओल गेल अछि। सोमक भोरमे भेल एहि अभियानमे पुलिसक टीम 3.39 ग्राम हेरोइन जब्त करबामे सफल रहल। एहि घटनामे एकटा महिलाकेँ सेहो गिरफ्तार कयल गेल अछि। महिलाक पहिचान 50 वर्षीय सोनाबन बीबीक रूपमे कयल गेल अछि । मादक पदार्थक विरुद्ध एहि अभियानक नेतृत्व पुलिस उप अधीक्षक सूरजीत चौधरी केलनि। एहि घटनाक विवरण दैत पुलिस अधिकारी कहलनि जे पिछला दिन भेल एहने अभियानमे करीब 50 लाख टकाक याबा टैबलेट सेहो जब्त कयल गेल छल। पुलिस अधिकारी सूरजीत चौधरी ई बात पर जोर दैत कहलनि जे जिलाकेँ पूर्ण रूपसँ नशा मुक्त रखै लेल पुलिस एहेन अभियान जारी राखत आ अभियान पूरा दृढ़ संकल्पक संग जारी रहत ।
