दिनदहाड़े दूटा युवककेँ मारलक गोली, एकटाक मौका पर मृत्यु, दोसर गंभीर
समस्तीपुर। समदिया
समस्तीपुरक कल्याणपुर थाना क्षेत्रमे बाइक सवार अपराधी दू गोटेकेँ गोली मारि देलक जाहिमे एकटाक मृत्यु मौत भ गेल आ दोसर गंभीर रूपसँ घायल भ गेल। पुलिस मौकासँ हथियार आ बाइक बरामद कय जांच शुरू कय देलक।
बिहारमे अपराधी बेकाबू भ गेल अछि, जाहिसँ एकक बाद एक अपराध बिना कोनो डर केर भ रहल अछि। लगैत अछि जेना पुलिसक डर खत्म भ गेल अछि। एहि बेर समस्तीपुर जिलामे अपराधी अपन मौजूदगीक एहसास फेर करा देलक अछि।
समस्तीपुरक कल्याणपुर थाना क्षेत्र अंतर्गत माधोपुर गाममे बाइक सवार अपराधी दिनदहाड़े दू युवककेँ गोली मारि देलक। एकटा युवकक मौका पर मृत्यु भ गेल, जखन कि दोसर गंभीर रूपसँ घायल भ गेल। गंभीर हालतकेँ देखैत डॉक्टर दरिभंगा रेफर कय देलनि। एहि घटनासँ इलाकामे दहशत मचल अछि। पुलिसक एहि घटनाक जानकारी देल गेल आ ओ सभ मौका पर पहुँचि गेलथि।
घटनाक जानकारी भेटला पर पुलिस मौका पर पहुंचल आ जांच शुरू कय देलक। पुलिस मौकासँ एकटा बुलेट बाइक आ एकटा पिस्तौल बरामद केलक अछि, जकरा जब्त कय आगूक जांच कय रहल अछि। फिलहाल मृतक आ घायलक पहिचान समाचार सम्प्रेषण धरि समाने नहि आयल छल।
अपराधक कारण आ अपराधीक पता लगाबय लेल जांच चलि रहल अछि। पुलिस एखन एहि घटनाकेँ गैंग वॉर मानि रहल अछि। बताओल जा रहल अछि जे मृतककेँ तीनसँ चारि गोलीकेँ चोट लागल अछि, जखन कि घायल युवककेँ तीन गोली लागल अछि।
जखन इ घटना घटल तहन बाइक सवार माधोपुरसँ बिरौल जा रहल छल। गोलीक आवाज सुनला पर मौका पर जमा लोक पुलिसकेँ सुचना देलक। एकर बाद घायलकेँ इलाजक लेल कल्याणपुर पीएचसी पहुंचाओल गेल, जतय गंभीर हालतक कारण डीएमसीएच दरिभंगा रेफर कय देल गेल।
स्थानीय लोकक अनुसार चारिटा युवक दू अलग-अलग बाइक पर सवार छल आ माधोपुर चौक लग एक दोसरसँ गप्प करैत देखल गेल। गप्पक दौरान दुनू बाइक पर सवार चारि गोटेक बीच कोनो बात पर बहस भ गेल। एकटा बाइक सवार तँ एतेक धरि कहलक जे बादमे सबक सिखाएब।
थोड़ेक दूरी धरि गाड़ी चलौलाक बाद बाइक सवार पाछूसँ आबय वला बुलेट सवारकेँ गोली मारि देलक। बुलेट सवारक मौका पर मृत्यु भ गेल। दोसरकेँ अपराधी सभ पीछा कय खेतमे गोली मारि देलक। घटनाक जानकारी भेटला पर कल्याणपुर थानाक पुलिस मौका पर पहुंचल आ जांच शुरू कय देलक। बताओल जा रहल अछि जे पुलिस घटनास्थलसँ एकटा पिस्तौल आओर कतेको खाली खोखा बरामद कयलक अछि। एएसपी संजय पांडेय बतौलनि गोलीबारीक रिपोर्टक बाद पुलिस भेजल गेल आ पूरा मामिलाक जांच चलि रहल अछि। मुदा मृतक आ घायलक पहिचान नहि भ सकल अछि।
