शनि कऽ भारतक तट दिस जा रहल एकटा रासायनिक टैंकर पर ड्रोनसँ आक्रमण कयल गेल। टैंकर एकटा जापानी कंपनीक अछि। ड्रोन हमलासँ लाल सागरक बाहर जहाजक लेल सेहो खतरा बढ़बाक पता चलल अछि। अमेरिका कहलक अछि जे टैंकर पर हमला करयवला ड्रोन ईरानसँ उड़ल छल।
लाल सागरमे सामान लऽ जा रहल जहाज पर ईरान समर्थित हौथी विद्रोही हमला कऽ रहल अछि। एहि जहाज सभ पर मिसाइल वा ड्रोनसँ हमला कयल जा रहल अछि। हौथी विद्रोहीसभक कहब छनि जे ओ इजरायल आ हमसक बीच चलि रहल लड़ाईक विरुद्ध हमला कऽ रहल छथि।
ई हमला भोर मे लगभग १० बजे भेल छल। एहिसँ टैंकरमे आगि लागि गेल। आगि बुझा देल गेल, मुदा टैंकर क्षतिग्रस्त भऽ गेल। भारतीय नौसेनाक एकटा विमान टैंकर लग पहुँचल, किएक तँ ओ मदति मँगलक। तखन नौसेना टैंकर लग एकटा युद्धपोत पठौलक।
ई हमला भारतक तटसँ ३७० किलोमीटर पहिने भेल छल।
एम्हर पेंटागन सूचित कयलक अछि जे टैंकरपर हमला करयवला ड्रोन ईरानसँ उड़ल। अमेरिकी सेना टैंकरक लगातार संपर्कमे छल। हुनका भारत पहुंचबाक छलनि। ई हमला भारतक तटसँ लगभग ३७० किलोमीटर पहिने भेल छल। ओहि समय टैंकरक आसपास कोनो अमेरिकी युद्धपोत नहिं छल।
इजरायल आ हमासक बीच लड़ाई शुरू भेलाक बाद ई पहिल बेर अछि जखन अमेरिका जहाज पर हमलाक लेल ईरानकेँ खुलेआम दोषी ठहरौलक अछि। पेंटागन खबरि देलक अछि जे टैंकर एमवी केम प्लूटो एकटा नीदरलैंडक कंपनी द्वारा संचालित कयल जा रहल छल। एहि पर लाइबेरियाक झंडा छल। ई टैंकर एकटा जापानी कंपनीक स्वामित्वमे अछि। टैंकर सऊदी अरबसँ भारत जा रहल छल। वॉल स्ट्रीट जर्नलक रिपोर्टमे कहल गेल अछि जे एमवी केम प्लूटो संचालित करयवला डच कंपनी इजरायली शिपिंग टाइकून इदान ओफरसँ जुड़ल अछि।
भारतीय नौसेना कहलक जे ओ सहायताक अनुरोधक जवाब देलक अछि। एकटा विमान भेजल गेल। ओ जहाजक उपर पहुँचल आ ओकर चालक दलक सुरक्षा स्थापित कयलक। आवश्यकतानुसार सहायता प्रदान करबाक लेल भारतीय नौसेनाक एकटा युद्धपोत सेहो पठाओल गेल अछि। एहि हमलाक कियो जिम्मेदारी नहिं लेलक अछि।
