सीडब्ल्यूसी केर बैसार खड़गे रखलनि २१ दिसम्बरकेँ
नई दिल्ली
*
उत्तर भारतक तीन राज्य मध्य प्रदेश, राजस्थान आ छत्तीसगढ़मे पराजयक किछु दिनक बाद कांग्रेस अध्यक्ष मल्लिकार्जुन खड़गे पार्टीक सर्वोच्च निर्णय लेनिहार निकाय कांग्रेस कार्य समिति (सीडब्ल्यूसी)क बैसार बजौलनि अछि। बैठक २१ दिसंबरकेँ बुलाओल गेल अछि।
सीडब्ल्यूसीक बैसार तीन राज्यमे पार्टीक हारि आ हालहिमे संसदमे भेल व्यापक सुरक्षा चूकक परिप्रेक्ष्यमे होयत।
बैसारमे शीतकालीन सत्रक शेष अवधि लेल १४ सांसदक निलम्बनपर सेहो चर्चा होयबाक सम्भावना छैक, १३ गोटे लोकसभासँ आ एकटा राज्यसभासँ निलंबित कय देल गेल अछि।
भारतीय राष्ट्रीय विकास समावेशी गठबंधन (इंडिया) ब्लॉकक बैसार १९ दिसंबरकेँ निर्धारित अछि।
पार्टी नेता कहलनि जे सीडब्ल्यूसीक दौरान २०२४क लोकसभा चुनावक तैयारी लेल पार्टीक रणनीतिक सहित कतेको मुद्दा पर चर्चा होयत।
