हमरा सदनमे भाजपा बाजहे नहिं देलक : राहुल गांधी
दिल्ली । समदिया
नेता प्रतिपक्ष भाजपा पर पैघ आरोप लगौलनि अछि। ओ एक्स पर लिखलन्हि, ‘आइ (बुध) संसदमे हमर भाषणक दौरान हम दिल्लीमे छात्रसभ पर भेल बेरहम व्यवहारक मुद्दा उठेलियैक आ एकर जिम्मेदारक नाम कहलियैक – गृह मंत्री अमित शाह। हमरा भाजपा बाजय नहि देलक। ओ सभ माइक बंद क’ सकैत अछि – छात्रसभक गुंज नहि। हमर शिक्षा व्यवस्था पहिनेसँ क्रूर अछि।”
एहिसँ पहिने विपक्षक नेता राहुल गांधी लोकसभामे कहलनि जे बहुतो लोककेँ बुझल अछि जे छात्रसभ पेपर लीकक कारण क्रोधित भेल छथि। हमर शिक्षा व्यवस्था पहिनेसँ क्रूर अछि। लाखो रुपया गरीब लोकसँ लेल जाइत अछि। सभ किछु प्राइवेटाइज अछि। पेपर लीक, एक परीक्षामे किछु होइत अछि, दोसरमे किछु। एकमे रिइग्जाम होइत अछि, दोसरमे नहि। ई एकटा बहुत खराब व्यवस्था अछि। ई सिस्टम आओकर आत्मा पर कब्जा भऽ गेल अछि। एहि पर आरएसएस कब्जा कऽ लेलक अछि।
राहुल आगू कहलनि – राजनाथ सिंहजी कहलनि जे हम यूपीए नहि छी, हमर मंत्री सभ कखनो इस्तीफा नहि दैत छथि। ओ सही कहि रहल छथि। एतय जे भेल, धर्मेंद्र प्रधानक इस्तीफा, ओकर किछु फायदा नहि भेल, कियैक त धर्मेंद्र प्रधान कखनो नहि चलबैत छथि। ओकरा आरएसएस चलबैत अछि। मंत्रीक दफ्तरमे बैसल एकटा ओएसडी (ऑफिसर ऑन स्पेशल ड्यूटी) रहैत अछि। छात्र सभ किछु बजबाक अनुमति नहि पबैत अछि। हुनका अपन मनक बात पालन करय नहि देल जाइत अछि। हुनका ओ इतिहास पढ़य पड़ैत अछि, जे आरएसएस आनय चाहैत अछि। हर यूनिवर्सिटीमे आइ आरएसए सँ संबंधित वाइस चांसलर अछि। धर्मेंद्र प्रधान मात्र एकटा व्यक्ति छथि, अहाँक असली दुश्मन आरएसएस थिक।
राहुल गांधी कहलनि जे हम सोचने रही, इडियट सेहो अछि आ स्टूडेंट सेहो अछि। हुनका पुछलनि जे ई तेसर कैटेगरी कतय जाइत अछि – अंध भक्त। ई तीनू कैटेगरी अछि। छात्र जे छथि, ओ शिक्षा सिस्टमक बात क’ रहल छथि। स्टूडेंट आठ-दस घंटा पढ़ैत छथि, शिक्षा महँग अछि। बरखो पढ़ैत छथि। एहि पर ट्रेजरी बेंच सँ सदस्य सभ जोरदार हंगामा कयलनि।
एकर विरोध करैत रिजिजू कहलनि जे राहुल गांधी असंसदीय शब्द इस्तेमाल करैत छथि। एहि तरीकासँ एकटा छात्राक नाम पर ओ शब्द बाजि रहल छथि, एकरा हटाओल जाय। स्पीकर ओम बिरला कहलनि, जे शब्द असंसदीय हेएत, ओकरा निकालि देल जायत।
