हम लड़लहुं आ आगू सेहो लड़ैत रहब – राजदक 30म स्थापना दिवस पर लालू यादव

पटना। समदिया

राष्ट्रीय जनता दल (राजद) बुधदिन अपन 30म स्थापना दिवस खूब धूमधामसँ मनौलक। पटना स्थित पार्टीक राज्य कार्यालयमे भव्य समारोहक आयोजन कयल गेल, जाहिमे विधानसभामे विपक्षक नेता तेजस्वी यादव, राजद अध्यक्ष लालू यादव आओर पार्टीक कतेको वरिष्ठ नेता आओर पार्टीक भारी संख्यामे कार्यकर्ता शामिल छलाह। लालू प्रसाद यादव दीप प्रज्वलित कय आयोजनक शुरुआत कयलनि। स्थापना दिवस समारोहकेँ संबोधित करैत लालू प्रसाद यादव संस्थाक ताकत पर जोर दैत कार्यकर्तासँ एकजुट रहबाक आग्रह केलथि। ओ कहलनि जे, हम सभ लड़लहुं आ आगू सेहो लड़ैत रहब। लालू यादव कहला जे पार्टीक सबसँ पैघ ताकत ओकर समर्पित कार्यकर्ता मे अछि। ओ नेता आ कार्यकर्तासँ अपील केलथि जे ओ अपन मतभेदकेँ एक कात राखि संगठनकेँ मजबूत करथि आ पार्टीक नीति आ विचारकेँ पसारबा लेल जनता धरि पहुंचथि। ओ कहलनि जे, वर्तमान राजनीतिक स्थितिमे संगठनात्मक एकता सबसँ बेसी ताकत अछि।

समारोहक दौरान लालू यादव संस्थाकेँ मजबूत करय केर आह्वान कयलनि। ओ कार्यकर्ता सभसँ एकजुट रहबाक अपील करैत पार्टीक संघर्ष जारी रहत। एहि दौरान तेजस्वी यादव सेहो लालू प्रसाद यादवक संग राज्य कार्यालय पहुंचलाह। कार्यक्रममे राज्यक विभिन्न जिलाक पार्टीक अधिकारी आ कार्यकर्ता सभ भाग लेलनि। स्थापना दिवसक लेल राज्य कार्यालयकेँ आकर्षक ढंगसँ सजाओल गेल छल। परिसरमे पार्टीक झंडा, बैनर आ पोस्टर लगाओल गेल छल।