स्लोवाकियाक प्रधानमंत्री पीएम मोदीकेँ असाधारण उपलब्धि लेल देलनि बधाई, कहलनि इ राजनीतिक चमत्कार

नई दिल्ली । समदिया

स्लोवाकियाक पीएम रॉबर्ट फिचो भारतक अपन समकक्ष प्रधानमंत्री नरेंद्र मोदीकेँ ऐतिहासिक उपलब्धिक बधाई देलनि। भारतक सबसँ लंबा समय धरि लगातार निर्वाचित प्रधानमंत्री बनल रहय केर हुनक “राजनीतिक चमत्कार” करार देलनि।  ब्रातिस्लावामे पीएम मोदीक संग संयुक्त प्रेस वार्ताकेँ संबोधित करैत फिचो भारतमे राजनीतिक स्थिरता आ  पीएम मोदीक नेतृत्वक सराहना कयलनि। ओ कहलनि, “एतेक विविध आ जटिल राजनीतिक माहौलमे लगातार 12 साल धरि नेतृत्व बना कय राखब असाधारण उपलब्धि अछि।” स्लोवाकिया केर पीएम आगू कहलनि, “हम ओहि राजनीतिक स्थिरताकेँ नजरअंदाज नहि कय सकत, जकर आँहाँ प्रतिनिधित्व करैत छि। हम आँहाँकेँ बधाई दैत छि कि आँहाँ भारतक सबसँ बेसी समय धरि सेवा दै वला प्रधानमंत्री छि।”

ओ आगू कहलनि, “इ उपलब्धि एक राजनीतिक चमत्कारक समान अछि आ इ भारतक लोकतांत्रिक ताकत आ नेतृत्व क्षमताकेँ दर्शाबैत अछि।” एहीसँ पहिने फ्रांसक राष्ट्रपति इमैनुएल मैक्रों सेहो मंचसँ पीएम मोदीकेँ एही उपलब्धि पर बधाई देलनि आ कहलनि जे इ भारतक मजबूती आ नेतृत्वक निरंतरताकेँ दर्शाबैत अछि।

नीसमे भारत इनोवेट्स 2026 केर उद्घाटन समारोहमे ओ पीएम मोदीक मौजूदगीकेँ गौरवान्वित करय वला क्षण बतौलनि।

मैक्रों आगू कहलनि, “प्रधानमंत्री, हम आँहाँ आजाद भारतक बेसी समय धरि निर्वाचित पीएमक रूपमे प्रतिनिधित्व करय लेल बधाई दैत छि। इ सफर आँहाँक दृढ़ निश्चय आ आँहाँक देशक ताकतक बखान करैत अछि, जे बहुत शानदार अछि, जाहि पर हमेर गर्व अछि।”

पीएम मोदी एही समय स्लोवाकियाक आधिकारिक दौरा पर छथि, जे भारतक स्वतंत्रताक बाद कोनो भारतीय प्रधानमंत्रीक पहिल एहन यात्रा अछि। एही यात्राक दौरान ओ ब्रातिस्लावा कैसलमे औपचारिक स्वागतक बाद द्विपक्षीय वार्ताक आ दुनू देशक बीच व्यापार, निवेश, रक्षा, ऊर्जा आ तकनीक जँका क्षेत्रमे सहयोग बढ़ाबय पर चर्चा कयलनि।