भारत-बांग्लादेश सीमा पर तनाव, 9 बांग्लादेशी नागरिककेँ वापस लयसँ बीसीबी कयलक इनकार
असम। समदिया
असमक मनकाचर सेक्टरमे भारत-बांग्लादेश बॉर्डर पर तनावक स्थिति बनल अछि। नो-मैन्स लैंड (दुनू देशक अधिकार क्षेत्रसँ बाहरक भूमि)मे 9 बांग्लादेशी नागरिक फंसल अछि। बॉर्डर गार्ड बांग्लादेश (बीसीबी) एही नागरिककेँ वापस लयसँ मना कय रहल अछि।
एही मुद्दाकेँ सुलझाबय लेल बॉर्डर सिक्योरिटी फोर्स आ बॉर्डर गार्ड बांग्लादेश केर बीच कतेको दौरक फ्लैग मीटिंग सेहो भेल, मुदा सूत्रक अनुसार बैसार बेनतीजा रहल।
बीएसएफ सूत्र बतौलक कि आई फेरसँ दुनू पक्षक बीच नव बैसार होयत, जाहिमे एही गतिरोधकेँ खत्म करबाक कोशिश कयल जायत।
रविवारकेँ मनकाचर इलाकामे जखनि 9 व्यक्ति नो-मैन्स लैंडमे फंसल पाओल गेल, तँ तनाव बढ़ि गेल। एक वायरल वीडियोमे एक व्यक्ति साफ तौर पर कहैत सुनाी जा रहल अछि, ‘हम बांग्लादेशी नागरिक छि।
काज केर सिलसिलामे भारत आयल छलौंह। हमरा लग दस्तावेज अछि। भले हमरा मारि देल जाए आ नदीमे फेंक देल जाय जाए, हम भारत नहि जायब।’ अन्य वीडियोमे इ सभ कानैत सेहो देखल गेल अछि।
बीएसएफ हाल केर दिनमे सीमा पार करय केर कोशिश कय रहल कतेको बांग्लादेशी नागरिकककेँ वापस भेजलक अछि। पिछला हफ्ता असम पुलिस आ बीएसएफ केर संयुक्त कार्यवाहीमे 21 घुसपैठियाकेँ रोकल गेल। असमक मुख्यमंत्री हिमंत बिस्वा सरमा एही कार्यवाहीक सराहना कयलनि।
