हम सनातनी छि, जेलमे हमरा मारबाक साजिश भेल : रौशन आनंद
पटना । समदिया
ज्ञान बिंदु जीएस एकेडमी केर संचालक रौशन आनंदकेँ सोमदिन न्यायालयसँ जमानत भेट जेल। ओ बेउर जेलसँ बहार आबि गेलथि। बाहर अयलाह पर मुसल्लहपुर हाट स्थित अपने कोचिंग पहुंचलाह। एतय छात्रक हुजूम उमड़ी पड़ल। एकर बाद ओ प्रेस वार्ता कयलनि आ अपन बात रखलनि। ओ खान ग्लोबल स्टडीजक डायरेक्टर फैजल खान उर्फ खान सर पर साजिश कय हुनक भाई केर हत्याक आरोप लगौलनि।
प्रेस वार्तामे ओ इहो आरोप लगौलनि कि फैजल खान केर दूनू गार्ड जेलमे हुनक हत्याक साजिश रचलक। जेल प्रशासनक कारणे हुनक जान बचल। 12 तारीखकेँ हुनका पर समझौता करबाक दबाव बनाओल गेल। ओ कहलनि कि भाई केर अंत्येष्सँ आयलाक बाद फैजल खानक पूरा पोल खोलि देब। ओ कहलनि कि हमरा तँ गिरफ्तार कय लेल गेल, मुदा फैजल खानकेँ गिरफ्तार कियाक नहि कयल गेल।
पटना पुलिस फैजल खानक मदति कयलक। ओ पुलिसकेँ गुमराह कयलनि। हम पुलिसक पूरा सहयोग करबाक लेल तैयार छि। बिहार पुलिसमे सबसँ बेसी रिजल्ट हमरा कोचिंगसँ आओल। हमर उन्नतिसँ फैजल खानकेँ खुन्नस छल। फैजल खान पढ़ाबय केर जगह षड्यंत्र करैत अछि। ओ वह बिहारक विद्यार्थीकेँ इमोशनली ब्लैकमेल करैत अछि।
हम सनातनी छि, हमरा धर्ममे ककरो मारब नहि सिखाओल जायत अछि। सत्य-अहिंसाक संग अपन लड़ाई लड़ब। ओ कहलनि कि हमर दूटा मांग अछि, एक तँ घटनाक सीबीआई जांच कराओल जाय। दोसर मांग अछि जे उच्चस्तरीय टीम गठित कय हमर भाई प्रिंस यादवक दोबारा पोस्टमार्टम कराओल जाए।
