बकरीद पर मासूम सूर्याक कुर्बानी दय वला असद एनकाउंटरमे ढेर

लखनऊ। समदिया

उत्तर प्रदेशमे अपराधी आ कानून व्यवस्थाकेँ कमजोर करय वला केर खिलाफ जारी “जीरो टॉलरेंस” नीतिक तहत पुलिसकेँ एगो आओर पैघ सफलता भेटल। यूपी पुलिस वसुंधरा इलाकामे भयंकर मुठभेड़मे मोहम्मद असद  ₹50,000 केर इनामी अपराधीकेँ गोली मारि देलक अछि। गाजियाबादक खोड़ामे निर्दोष सूर्या चौहानक निर्मम हत्याक पाछु असद अपराधी छल। पुलिसक जवाबी गोलीबारीमे घायल भेलाक बाद आरोपीक अस्पतालमे मृत्यु भ गेल, जाहिसँ क्षेत्रक निवासी केर न्याय भेल से भाव जागल। सूर्य चौहान केर बेहद प्रचारित आ सनसनीखेज हत्याक मामिला केर प्रमुख आरोपीकेँ समाप्त कय देल गेल अछि। अपराधकेँ अंजाम देलाक बादसँ ओ फरार छल। एही अपराधीकेँ लेल पुलिस द्वारा ₹50,000 केर इनामक घोषणा कयल गेल छल। वसुंधरा क्षेत्रमे ई आमने-सामनेक मुठभेड़क दौरान आरोपी अपनाकेँ फँसल पाबि पुलिस टीम पर घातक मंशासँ गोलीबारी कयलक, जाहिमे पुलिस आत्मरक्षामे गोलीबारी कयलक। एहि जवाबी कार्यवाहीमे चोट लागल असद अस्पतालमे अंतिम सांस लेलक।

खोड़ा थाना क्षेत्रक भीतर भेल इ अत्यंत क्रूर आ दिल दहलाबै वला हत्यासँ स्थानीय जनता आ देशभरिमे भारी आक्रोश छल। 28 मईकेँ बकरीईद दिन आरोपी मोहम्मद असद निर्दोष सूर्या चौहान पर चाकूसँ हमला कय बेरहमीसँ  हत्या कय देने छल। जहियासँ अपराध कयलक तहियासँ आरोपी फरार छल। मामिला केर गंभीरता आ जनताक आक्रोशकेँ देखैत गाजियाबाद पुलिस प्रशासन आरोपीक गिरफ्तार लेल कतेको टीमक गठन कयलक आ ओकर गिरफ्तारी लेल जानकारी दै वलाकेँ ₹50,000 केर इनामक घोषणा सेहो कयल गेल छल। पुलिस ओकर संदिग्ध नुकायल स्थान पर लगातार छापामारी करैत आबि रहल छल। मुठभेड़क संबंधमे भेटल आधिकारिक जानकारीक अनुसार पुलिसकेँ एगो मुखबिरक माध्यमसँ विश्वसनीय खुफिया जानकारी भेटल छल कि वसुंधरा क्षेत्र लग इनामी एगो वांछित अपराधी मोहम्मद असदकेँ देखल गेल अछि आ ओ भागय केर योजना बना रहल अछि। एहि जानकारी पर तेजीसँ काज करैत टीम आ स्थानीय पुलिस एहि इलाका कए घेराबंदी कय लेलक। अपनाकेँ पूरा तरहसँ घेरल पाबि असद आत्मसमर्पणक बजाय अंधाधुंध आ सीधा पुलिस टीम पर गोली चला देलक। हालाँकि पुलिसकर्मी ओकरा रुकबाक चेतावनी देलनि, मुदा जखन ओ फायरिंग पर अड़ल रहल तँ पुलिस आत्मरक्षामे गोली चलौलक। पुलिस द्वारा चलाओल गेल गोली असदकेँ लागल, जाहिमे असद गंभीर रूपसँ घायल भ गेल आ ओ मौका पर खसि पड़ल। गोलीबारी बंद भेलाक तुरंत बाद पुलिस घायल अपराधीकेँ हिरासतमे ल लेलक आ इलाजक लेल नजदीक केर अस्पताल पहुंचा देलक। मुदा डाक्टर सभक भरपूर प्रयासक बादो गंभीर हालतक कारण अस्पतालमे ओकर मृत्यु भ गेल। पुलिस मुठभेड़ स्थल पर आरोपीसँ अवैध हथियार आ गोला-बारूद बरामद कयलक अछि। एही त्वरित कार्यवाहीसँ उत्तर प्रदेश पुलिस एक बेर फेर अपराध मुक्त राज्य बनाबय केर सरकारक प्रतिबद्धताकेँ जोरदार तरीकासँ रेखांकित कयलक आ पूरा क्षेत्रमे अपराधीक बीच कानूनक डर मजबूत बनल अछि।