नहिं रहलाह मिथिलाक्षर साक्षरता अभियानी पं. कौशल झा
दिल्ली समदिया!! प्राप्त जनतबक अनुसार मिथिलाक्षर साक्षरता अभियानी पं. कौशल झा’क काल्हि रवि, ३१-०५-२०२६ केँ प्रातः०७ बजे उत्तम नगर, दिल्लीक आवास पर हृदयाघातसँ निधन भऽ गेल।
एकटा मिथिलाक्षर साक्षरता अभियानीक प्रमाणिक जानकारीक अनुसार पं. कौशल झा ०७-०७-२०१८ केँ मिथिलाक्षर साक्षरता अभियानसँ बैच २४ मे ‘मिथिलाक्षर प्रवीण’ भेल छलथि। हुनक प्रमाणपत्र क्रमांक २२२ छल, ओहि बैचमे १४ गोटे ‘मिथिलाक्षर प्रवीण भेल छलथि। ओ ई जानकारी दैत जे एखनि मिथिलाक्षर साक्षरता अभियानक ३०५ बैच निकलि गेल अछि, कहलनि जे पं. कौशल झा मिथिलाक्षर साक्षरता अभियानक बहुत पुरान अभियानी छलथि।
मिथिलाक्षर साक्षरता अभियानक संस्थापक पं. अजय नाथ झा शास्त्री हुनक निधन पर दुःख व्यक्त करैत श्रद्धांजलि अर्पित कयलनि अछि आ शोक संतप्त परिवारक प्रति संवेदना व्यक्त कयलनि अछि।
