राहुल गांधीक ‘देशद्रोही’ वला बयान पर बवाल, भाजपा कहलक “आतंकी जँका भाषा”
रायबरेली। समदिया
लोकसभामे विपक्षक नेता राहुल गांधी द्वारा प्रधानमंत्री नरेंद्र मोदी, गृहमंत्री अमित शाह आ राष्ट्रीय स्वयंसेवक संघक संबंधमे देल गेल बयानसँ सियासी बयानबाजी शुरू भ गेल अछि। भाजपा राहुल गांधी पर कड़ा हमला करैत कहलक जे हुनक भाषा पाकिस्तान आ आतंकीक भाषासँ मिलैत जुलैत अछि। कांग्रेस नेताक बयानक लोकतांत्रिक मूल्यकेँ अपमान बताओल गेल।
बुधदिन उत्तर प्रदेश केर रायबरेलीमे कांग्रेस कार्यकर्ताकेँ संबोधित करैत राहुल गांधी कहलनि कि जखनि संघ केर कार्यकर्ता नरेंद्र मोदी आ अमित शाहक बारेमे बात करैत अछि तँ ओकरा जवाब देबाक चाहि कि आँहाँक प्रधानमंत्री गद्दार छथि, गृहमंत्री गद्दार छथि आ संगठन गद्दार अछि।
राहुल गांधी आरोप लगौलनि जे संघ आ भाजपा संविधान, डॉ. भीमराव अम्बेडकरक विचार आ महात्मा गांधी पर हमला कयलक अछि।
एकर बाद भाजपा नेता कांग्रेस सांसद पर जवाबी हमला केलथि। केंद्रीय मंत्री गिरिराज सिंह कहलनि जे, राहुल गांधीक भाषा दुश्मन देश जँका भ गेल अछि। ओ कहलनि जे देशक जनता आ युवा प्रधानमंत्री नरेंद्र मोदी आ अमित शाहक संग ठाढ़ अछि।
भाजपाक राष्ट्रीय प्रवक्ता प्रदीप भण्डारी राहुल गांधीक बयानकेँ लोकतंत्रक अपमान बताबैत कहलनि जे हुनक भाषा पाकिस्तान समर्थित आतंकीक भाषासँ मिलैत जुलैत अछि। हुनक आरोप छल कि राहुल गांधी राजनीतिक विरोधीक रूपमे नहि बल्कि भारतीयक खिलाफ लड़य वला जँका व्यवहार कय रहल अछि।
उत्तर प्रदेशक मुख्यमंत्री योगी आदित्यनाथ सेहो राहुल गांधी कय निशाना बनेलथि। ओ सोशल मीडिया प्लेटफॉर्म एक्स पर लिखलनि कि कांग्रेस केर “विभाजनकारी आ तुष्टीकरणकारी राजनीति” केर “युवराज’क” बयान लोकतांत्रिक मूल्यक प्रति हुनक अनादरकेँ दर्शाबैत अछि। योगी कहलनि जे राहुल गांधीसँ समस्त राष्ट्रसँ सार्वजनिक माफी मांगथि।
भाजपा सांसद अनुराग ठाकुर कहलनि जे, कांग्रेस संविधानकेँ कमजोर करय लेल काज कय रहल अछि। इमरजेंसीक जिक्र करैत ओ कहला जे लोकतंत्र पर सबसँ पैघ हमला कांग्रेस शासनमे भेल। ठाकुर कहलनि कि संघ हमेशासँ राष्ट्रहितमे काज कय रहल अछि आ भाजपा आओर संघक खिलाफ अपमानजनक भाषाक प्रयोग कांग्रेसक बहुत पुरान प्रथा अछि।
जनतब दी जे राहुल गांधी इटली केर दौराक दौरान इटली केर प्रधानमंत्री जॉर्जिया मेलोनीकेँ “मेलोडी” कैंडी दै केर वायरल वीडियो पर प्रधानमंत्री मोदीकेँ सेहो निशाना बनैलनि। ओ कहलनि कि देश आर्थिक चुनौतीसँ जूझैत अछि, किसान, युवा आ छोट व्यवसायीकेँ नुकसान उठाबै पड़ैत अछि, जखनि कि प्रधानमंत्री “रील बनाबय आ हँसी-मजाक करयमे” व्यस्त छथि।
राहुल गांधी केर बयानसँ आब राजनीतिक माहौल गरम भ गेल अछि आओर भाजपा आ कांग्रेसक बीच आरोप आ जवाबी बयानबाजी तेज भ गेल अछि।
