लोकतंत्र सिर्फ आतंकवादक निंदा नहि करैत अछि : मेलोनी

नई दिल्ली। समदिया

काल्हि पीएम मोदी कहलनि, “हमर रक्षा औद्योगिक रोडमैप सह-विकास आ सह-उत्पादन केर रास्ता साफ भ गेल अछि। समुद्री शक्तिक रूपमे भारत आ इटलीक बीच कनेक्टिविटीक क्षेत्रमे घनिष्ठ सहयोग स्वाभाविक अछि। हम शिपिंग, बंदरगाह केर आधुनिकीकरण, लॉजिस्टिक्स आ ब्लू इकॉनमी पर मिल कय काज करब।”

पीएम मोदी कहलनि, “यूक्रेन, पश्चिम एशिया आ अन्य तनावक संबंधमे हम लगातार संपर्कमे रहलौ। भारतक स्थिति साफ अछि कि सभ समस्याक समाधान बातचीत आ कूटनीतिक माध्यमसँ करब जरूरी अछि। भारत आ इटली एही बातसँ सहमत अछि कि आतंकवाद मानवता लेल एगो गंभीर चुनौती अछि। आतंकी वित्तपोषण केर खिलाफ हमर संयुक्त पहल पूरा दुनिया लेल एगो महत्वपूर्ण उदाहरण पेश कयलक। भारत आ इटली एही बातकेँ स्पष्ट संदेश देलक अछि कि जिम्मेदार लोकतंत्र सिर्फ आतंकवादक निंदा नहि करैत अछि, अपितु एकर वित्तीय तंत्रकेँ भंग करय लेल सेहो ठोस कदम उठाबैत अछि।”

इटली केर पीएम जॉर्जिया मेलोनीक संग संयुक्त प्रेस कॉन्फ्रेंसमे पीएम मोदी कहलनि कि पिछला साढ़े तीन सालमे हमरा पीएम मेलोनीसँ कतेको बेर भेंट करय केर मौका भेटल। ई भारत आ इटलीक बीच निरंतर सहयोगकेँ दर्शाबैत अछि। पीएम मोदी कहलनि जे, हमरा ई बताबैत खुशी भ रहल अछि जे हम भारत-इटली संबंधकेँ विशेष रणनीतिक साझेदारीक स्तर पर ल जा रहल छी। पीएम मोदी कहलनि, दुनू देशक बीच व्यापार 20 अरब यूरोकेँ लक्ष्य दिस बढ़ि रहल अछि। भारत केर 400 सँ बेसी इटली केर कंपनी भारतक विकासक कहानीमे योगदान द रहल अछि। इ एक बहुत महत्वाकांक्षी लक्ष्य अछि जकरा ईयू आ भारतक बीच हस्ताक्षरित मुक्त व्यापार समझौतासँ भेटय वला संभावनाकेँ लाभ उठाकय सेहो हासिल कयल जा सकैत अछि। इ एक एहन लक्ष्य अछि जकरा एही लेल सेहो हासिल कयल जा सकैत अछि की हमर आर्थिक आ उत्पादक तंत्र एक-दोसरक पूरक अछि। हम ‘इनोवेट इंडिया इनिशिएटिव’ केँ बढ़ावा देबय मे सेहो लागल छी, जाहि केर तहत नई दिल्लीमे एक केंद्र बनाओल जायत, जे हमर प्रतिभा, हमर नवाचार तंत्र, हमर स्टार्टअप्स, उद्यम, विश्वविद्यालय आ अनुसंधान संस्थानक बीच सहयोगकेँ बढ़ावा द सकय।