शिफ्टमे नमाज पढ़य वला सीएम योगीक बयान पर राजदक प्रहार

सड़क चलय वास्ते होयत अछि, नमाज पढ़य लेल नहि : योगी आदित्यनाथ

पटना । समदिया

उत्तर प्रदेशक मुख्यमंत्री योगी आदित्यनाथ चेतावनी स्वरमे एकटा पैघ वक्तव्य देलनि अछि। सीएम केर कहनाय छनि जे जँग अहां नमाज पढ़बाक अछि, तँ आँहाँ शिफ्टमे पढू। प्यारसँ मानब तँ ठीक अछि, नहि मानब तँ दोसर तरीका अपनायब। योगी कहलनि अछि कि सड़क चलय वास्ते होयत अछि, नमाज पढ़य लेल नहि। योगी ई वक्तव्य लखनऊमे आयोजित एक कार्यक्रमक दौरान काल्हि सोमदिन देलनि। आब हुनक बयान पर सियासत तेज भ गेल अछि। एही पर अलग-अलग प्रतिक्रिया राजनीतिक पार्टीक दिससँ आबि रहल अछि। आरजेडी सीएम योगी आदित्यनाथक एही आदेशक विरोध कयलक अछि। आरजेडीक अनुसार, चुनावकेँ देखैत सीएम योगी आदित्यनाथ एही तरहक बयान देलनि अछि। पार्टी धर्मक राजनीतिकेँ ल कय सवाल सेहो उठबैत अछि। जनतब दी कि यूपीमे अगिला साल (2027) विधानसभाक चुनाव होयत।

सीएम योगीक बयान पर आरजेडीक प्रवक्ता मृत्युंजय तिवारी सोमदिन (18 मई, 2026)केँ कहलनि, “चुनाव आबि रहल अछि तँ योगी आदित्यनाथ वोटक लेल ध्रुवीकरणक राजनीति कय रहल छथि। धर्मक राजनीति करब कहिया छोड़ताह?”

आरजेडी नेता आगू कहलनि, ई देश संविधानसँ चलैत अछि आ इ कानून हक दैत अछि कि नमाज पढ़ल जाय, पूजा होय, गिरिजा घर जायल जाय। एक विशेष धर्मकेँ लोककेँ घर पर बुलडोजर चलबैत अछि आ नफरत फैलाबैत अछि।