जमीन खरीदयसँ फैक्ट्री लगाबय धरि आसान भेल बिहारक राह, नव लैंड पॉलिसीसँ बदलत परिदृश्य
पटना। समदिया
बिहार सरकार राज्यमे उद्योगक स्थापनाक दिशामे नव पहल कयलक अछि। एहि नीतिक तहत बियाडा यानी बिहार औद्योगिक क्षेत्र विकास प्राधिकरण अपन नव भूमि आवंटन आ प्रबंधन नीति 2026 कय लागू कयलक अछि। नव नीति कय लागू करबासँ पुरान नीति कय रद्द कय देल गेल अछि। नव सरकारक एहि पहलक उद्देश्य राज्यमे निवेश बढ़ेबाक आ आवंटन प्रक्रिया कय पारदर्शी बनेबाक अछि।
एहि नव नीतिक तहत भूमि वितरणक लेल भूमि उपयोगक रूपरेखा स्पष्ट कयल गेल अछि। एहि नीतिक तहत 55 सँ 65% जमीन औद्योगिक भूखंडक लेल आवंटित कयल जाएत, जखन कि 15 सँ 25% जमीन सड़क आ परिवहन लेल देल जाएत। नव नीतिमे हरियाली आ लॉनकें सेहो संबोधित कयल गेल अहि, जाहिमे 10 सँ 33% जमीनकें उपयोगक लेल, 8% व्यावसायिक सुविधाकक लेल आ 3% आवासीय आ सामाजिक बुनियादी ढाँचा कें लेल आरक्षित अछि।
एही शेडक आवंटन शुरुआतमे पांच सालक कियल जायत आ जरूरत पड़ला पर एकरा 15 साल धरि बढ़ाओल जा सकैत अछि। भूमि आवंटनक बाद काजकेँ शुरू करब अनिवार्य होयत। एही लेल तीन महीनाक वक्त मुकर्रर कयल गेल अछि।
एहि नीतिमे कोनो उद्योग शुरू करबाक समय सीमा सेहो निर्धारित कयल गेल अछि। जखन कि पैघ इकाइके 30 महीनाक भीतर उत्पादन शुरू करब होयत, मध्यम आकारकें इकाइकें दू साल (24 महीना)कें भीतर उत्पादन शुरू करबाक होयत। छोट यूनिटकें लेल अंतिम तिथि 18 महीना अछि, जखन कि माइक्रो यूनिटकें लेल एही एक साल (12 महीना) अछि।
भुगतान नियममे ₹50 लाख धरि केर परियोजना पर 40% अग्रिम भुगतान, ₹50 लाखसँ ₹2.5 करोड़ धरि केर परियोजना पर 35% अग्रिम, ₹2 करोड़सँ ₹7.5 करोड़ धरि केर निवेश पर 30% अग्रिम, ₹7.5 करोड़सँ बेसी निवेश पर 25% अग्रिम भुगतान तय कयल गेल अछि। नव नीतिक उद्देश्य अछि जे पूरा प्रक्रिया कय पारदर्शी बनाउल जाए। एहि नीतिक तहत 100% आवंटन ऑनलाइन होएत। एहि खाली भूखंडक बारेमे पूरा जानकारी बियाडा पोर्टल पर सार्वजनिक कयल गेल अछि। एहि प्रक्रियासँ निवेशक कय पारदर्शी तरीकासँ आवेदन करबामे सुविधा होएत। एहि नीतिमे कतेको विशेष प्रावधान सेहो कयल गेल अछि। एहिमे ऑनलाइन आवंटन, नीलामी, प्लग-एंड-प्ले सुविधा, आसान भुगतान आ निश्चित समय रेखा सन सुविधा शामिल अछि।
राज्यमे औद्योगिक माहौल कय निवेशक केर अनुकूल बनेबा लेल बियाडा द्वारा इ नीति बनाउल गेल अछि। एहि नीतिमे पैघ निवेश कय आकर्षित करबा लेल विशेष पहल शामिल अछि। नीतिमे इहो निर्दिष्ट कयल गेल अछि की जमीन पट्टाकें अवधि 30, 60 आ 90 सालकें लेल निर्धारित कयल गेल अछि, जइमे नवीकरण केर विकल्प उपलब्ध अछि।
डाउन पेमेंट निवेशकक अनुकूल बनाउल गेल अछि, इ निवेशक आकारक आधार पर अछि। डाउन पेमेंट ₹50 लाख धरि केर परियोजनाक लेल 40%, ₹50 लाखसँ ₹2.5 करोड़क बीच केर निवेशक लेल 35%, ₹2 करोड़सँ ₹7.5 करोड़क बीच केर निवेशक लेल 30% आ ₹7.5 करोड़सँ बेसी निवेश वला परियोजनाक लेल 25% अछि। शेष राशि 10 किस्त धरि देल जा सकैत अछि। किस्तक अवधि परियोजनाक आकारक आधार पर डेढ़ सालसँ पांच साल धरि होएत।
