गृहमंत्री अमित शाहसँ सीएम योगीक भेंट आगामी यूपी चुनावक तैयारीक सुगबुगाहट

नई दिल्ली । समदिया

उत्तर प्रदेशमे मंत्रिमंडल विस्तारक बाद राजनीतिक सरगर्मी चरम पर पहुंचि गेल अछि। मुख्यमंत्री योगी आदित्यनाथ बृहस्पतिकेँ नई दिल्लीमें केंद्रीय गृह मंत्री अमित शाहसँ हुनकर आवास पर भेट कएलनि। करीब एक घंटा चलल एहि बैठकमे नव मंत्री लोकनिक विभाग आवंटन आ 2027 विधानसभा चुनावक रणनीति पर विस्तार स’ चर्चा भेल।

गृह मंत्रालय सोशल मीडिया पर एहि भेटक पुष्टि कएलक अछि। सूत्रक अनुसार, बैठकमे विभागक बंटवारा पर अंतिम फैसला भ’ गेल अछि। 10 मई क’ भेल विस्तारमे छहटा नव चेहराकेँ मंत्री बनाओल गेल छल, जखनिकि दूटा राज्य मंत्रीकेँ कैबिनेटक रैंक देल गेल। चारि दिनक बादो विभाग नहि भेटबाक कारण अटकलबाजी तेज छल, जे आब शाह-योगी बैठकक बाद लगभग सुलझि गेल अछि।

एहि बेर विभागक बंटवारा केवल प्रशासनिक नहि, बल्कि मिशन-2027 क’ ध्यानमे  राखिक’ कएल जा रहल अछि। भूपेंद्र सिंह चौधरीक माध्यमसँ पश्चिमी यूपी केर जाट मतदातासभकेँ जोडड़बाक, सपा छोड़िकेँ आयल मनोज पांडेयकेँ माध्यमसँ ब्राह्मण समुदायकेँ जोड़बाक आ कृष्णा पासवान, सुरेंद्र दिलेर आ कैलाश राजपूत जेकाँ नव मंत्रीसभक माध्यमसँ दलित आ पिछड़ा वर्गमे सरकार केर पहुँच बढ़ेबाक रणनीति अछि।

जानकारसभक मानब अछि कि योगी आ शाह नव मंत्रिसभकेँ एहेन विभाग देबाक पर सहमति देने छथि, जाहिसँ ओ सभ अपन समुदाय आ क्षेत्रमे भाजपा केर छविकेँ आर मजबूत कऽ सकथि। राजनीतिक विश्लेषकसभक मानब अछि कि ई बैठक 2027 केर चुनावी समीकरण सभकेँ साधबाक दिशामे महत्वपूर्ण डेग अछि। विभागसभक घोषणा जल्दीये होयबाक संभावना अछि, जकरा बाद योगी सरकार पूरा दमसँ चुनावी तैयारीमे लागि जायत।