अमेरिका-ईरान समझौताक उम्मीदसँ तेलक कीमतमे 10% धरि गिरावट
नई दिल्ली । समदिया
अमेरिका आ ईरान खाड़ी क्षेत्रक तनाव केर खत्म करबाक लेल कोनो समझौताक करीब पहुंच रहल अछि। एहीसँ होर्मुज स्ट्रेटमे लंबा समय धरि रुकावटक चिंता किछु कम भेल अछि। एही खबरि केर बाद तेलक कीमतमे बुधदिन एक समय करीब 10 % धरि गिरावट देखल गेल।
अमेरिकाक बेंचमार्क वेस्ट टेक्सास इंटरमीडिएट (डब्ल्यूटीआई) शुरुआती कारोबारमे करीब 10 प्रतिशत धरि खसल, मुदा बादमे कनि सम्हरि कय लगभग 94.32 डॉलर प्रति बैरल पर पहुंच गेल। ओतय अंतरराष्ट्रीय बेंचमार्क ब्रेंट क्रूड करीब 7 प्रतिशत खसिकय लगभग 102.14 डॉलर प्रति बैरल पर आबि गेल।
न्यूयॉर्क केर मीडिया रिपोर्टक मुताबिक, बादमें ब्रेंट क्रूड करीब 103 डॉलर आ डब्ल्यूटीआई लगभग 96 डॉलर प्रति बैरल केर आसपास ट्रेड कय रहल छल, कारन निवेशक खाड़ीमे तनाव कम होयबाक संकेत पर प्रतिक्रिया द रहल छल।
बाजारमे इ तेजी एक्सियोस (एक्सियोस रिपोर्ट अमेरिकी मीडिया प्लेटफॉर्म एक्सियोस द्वारा प्रकाशित एगो समाचार केर संदर्भित करैत अछि) केर एक रिपोर्टक बाद आयल, जाहिमे कहल गेल कि वॉशिंगटन आ तेहरान एक छोट समझौते पर सहमत होयबाक करीब अछि, जकर मकसद फरवरी केर आखिरमे शुरू भेल एही टकराव केर खत्म करब अछि। रिपोर्टमे कहल गेल अगिला 48 घंटामे पैघ प्रगति भ सकैत अछि।
अमेरिकी राष्ट्रपति डोनाल्ड ट्रंप कहलनि कि अमेरिका ‘प्रोजेक्ट फ्रीडम’ केर रोकि रहल अछि। इ एक नौसैनिक अभियान छल, जाहि केर एही हफ्ताक शुरुआतमे शुरू कयल गेल छल, ताकि जलडमरूमध्यसँ गुजरय वला व्यापारिक जहाजक सुरक्षा कयल जा सकय। रिपोर्टक अनुसार, एही अभियानक बाद ईरान व्यापारिक जहाज आ अमेरिकी नौसेना पर नव हमला सेहो कयने छल।
ट्रंप सोशल मीडिया पर लिखलनि कि जँ ईरान पहिने सँ तय बात केर मानि लैत अछि, तँ इ टकराव खत्म भ सकैत अछि आ होर्मुज स्ट्रेट सभक लेल खुजल रहत, जाहिमे ईरान सेहो शामिल अछि। ओ ईरान केर चेतावनी सेहो देलनि कि जँ समझौता नहि भेल, तँ फेर बमबारी शुरू भ सकैत अछि, आ पहिनेसँ बेसी तेज आ पैघ स्तर पर भ सकैत अछि।
हालांकि बाजारमे किछु राहत देखल गेल, मुदा खाड़ी क्षेत्रमे तनाव अखनि बनल अछि। रिपोर्टक मुताबिक, बुधदिन होर्मुज स्ट्रेटसँ गुजरय केर कोशिश कय रहल जहाज केर ईरानक रिवोल्यूशनरी गार्ड चेतावनी देलक जे रास्ता अखनि बंद अछि।
एही बीच चीन सेहो कूटनीतिक कोशिश शुरू कय देने अछि। खबरि केर अनुसार, चीनक विदेश मंत्री ‘वांग यी’ बीजिंगमे ईरानक विदेश मंत्री सैयद अब्बास अराघचीसँ भेंट कयलनि आ क्षेत्रमे स्थिरता आंबाक अपील कयलनि। चीन ईरानक तेल केर पैघ खरीदार अछि।
एही टकरावक कारणे हालक हफ्तामे ईंधनक कीमत काफी बढ़ि गेल अछि। अमेरिकामे पेट्रोल केर औसत कीमत 4.54 डॉलर प्रति गैलन धरि पहुंच गेल अछि, जखनि कि डीजलक कीमत 5.67 डॉलर प्रति गैलन भ गेल अछि।
