रिजर्व बैंक रेपो दर ६.५ प्रतिशत पर अपरिवर्तित रखलक, विकास दर 7 प्रतिशत अनुमानित

नई दिल्ली
*
भारतीय रिजर्व बैंक (आरबीआई)क मौद्रिक नीति समिति (एमपीसी) शुक्रदिन रेपो दरकेँ अपरिवर्तित रखलक, जेना अर्थशास्त्रीलोकनिक अपेक्षा छल।
एमपीसीक तीन दिवसीय बैसारक बाद एहि निर्णयक घोषणा करैत आरबीआई गवर्नर शक्तिकान्त दास कहलनि जे समिति सर्वसम्मतिसँ रेपो दरकेँ ६.५ प्रतिशतपर अपरिवर्तित रखबाक निर्णय लेलक।
ओ इहो कहलनि जे एमपीसीक छओमेसँ पाँच सदस्य मौद्रिक नीतिक प्रति रुख नरम करबाक पक्षमे मतदान कयलनि।
दास कहलनि जे आर्थिक कारककेँ ध्यान मे रखैत एमपीसी वित्त वर्ष २०२३-२४ मे सकल घरेलू उत्पाद विकास दर (जीडीपी) ७ प्रतिशत रहबाक अनुमान लगओलक अछि।

विभिन्न घरेलू मुद्दाकेँ ध्यानमे रखैत समिति २०२३-२४ लेल खुदरा मुद्रास्फीति दर ५.४ प्रतिशत रहय केर अनुमान जारी कयलक अछि।
दास इहो कहलनि जे भू-राजनीतिक स्थितिक कारण अनिश्चितता जारी अछि।
ओ कहलनि जे एमपीसी सतर्क अछि आ आवश्यक कार्रवाई करबाक लेल तैयार अछि।
एमपीसी के बैठक ६-८ दिसंबर के भेल छल।