२०० करोड़ टकाक पहाड़ निकलल कांग्रेसक मोहब्बतक दोकानसँ – भाजपा

लखनऊ
*
भारतीय जनता पार्टी (भाजपा) झारखंड कांग्रेसक राज्यसभा सांसद धीरज साहू पर छापामारीमे भेटल कथित काला धनक विरुद्ध राष्ट्रव्यापी विरोध प्रदर्शन शुरू कयलक अछि। शनिदिन उत्तर प्रदेश भाजपा प्रदेश अध्यक्ष भूपेन्द्र चौधरी कहलनि कि “२०० करोड़ टाकाक पहाड़ निकलल अछि कांग्रेसक मोहब्बतक दोकानसँ।”
भाजपाक प्रदेश अध्यक्ष भूपेंद्र चौधरी शनि कऽ संवाददाता सबकेँ कहलनि, “झारखंडसँ कांग्रेसक राज्यसभा सांसद धीरज साहूक परिसरमे छापाक दौरान २०० करोड़ टाकासँ बेसी बरामद भेल। ई स्पष्ट अछि जे कांग्रेस आ घमंडिया गठबंधनक एकहि उद्देश्य अछि, भ्रष्टाचार करब।” ओ कहलखिन कि “मोहब्बतक दोकान सँ २०० करोड़क काला धन निकलल अछि। ई गाँधी परिवार भ्रष्टाचारक केन्द्र अछि।”
आगा ओ कहलनि जे “बाकी सांसद लग कतेक पाइ होयत ई एकटा प्रश्न अछि। चौधरी कहलनि जे भ्रष्टाचारमे डूबल कांग्रेस पार्टी गांधी परिवारक ‘भ्रष्टाचार केन्द्र’ अछि। कांग्रेसक नेता देशक जनताक पाइ पचा रहल छथि। दोसर दिस, प्रधानमंत्री नरेन्द्र मोदी गारंटी दैत छथि कि जे भ्रष्टाचार कयने छथि हुनका लोकक पाई घुराबय पड़त।”
पुनः ओ कहलनि जे “कांग्रेस अध्यक्ष मल्लिकार्जुन खड़गे, सोनिया गांधी, राहुल गांधी एहि सभ मुद्दा पर चुप्पी साधने छथि। ईडी, सीबीआई आ आयकरक कार्रवाईमे ओ सभ मिलि कऽ विरोध करैत छथि। भाजपा हुनकर कारी कर्मक विरुद्ध सभ जिला मुख्यालयमे प्रदर्शन करत” ।

प्रधानमंत्री नरेन्द्र मोदी सोशल मीडिया प्लेटफॉर्म ‘एक्स’ पर एकटा मीडिया रिपोर्ट साझा कयलनि जाहिमे दावा कयल गेल छल जे आयकर विभाग झारखण्डक कांग्रेस सांसद धीरज प्रसाद साहूसँ कथित रूपसँ जुड़ल एकटा व्यापारिक समूहक विभिन्न परिसरसँ २०० करोड़ टाका नकद बरामद कयलक अछि। विपक्ष पर निशाना साधैत ओ कहलनि, “देशवासीकेँ नोटक एहि ढेरकेँ देखबाक चाही आ फेर अपन नेताक ईमानदारीक भाषण सुनबाक चाही।” जनतासँ जे किछु लूटल गेल अछि, एक-एक पाइ वापस करय पड़त, ई मोदीक गारंटी अछि।”