एकटा महत्वपूर्ण व्यापार नीति परिवर्तनक तहत भारत बांग्लादेशसँ भूमि बंदरगाह सभक माध्यमसँ देशमे रेडीमेड गार्मेन्ट्स (आरएमजी), प्रोसेस्ड फूड आ अन्य वस्तु सभक आयात पर प्रतिबंध लगा देलक अछि, जे तात्कालिक प्रभावसँ लागू होएत।
वाणिज्य आ उद्योग मंत्रालयक तहेत विदेश व्यापार महानिदेशालय (डीजीएफटी) बांग्लादेशसँ भारतमे रेडीमेड गार्मेन्ट्स, प्रोसेस्ड फूड जेहेन किछु सामानक आयात पर भूमि बंदरगाह प्रतिबंध लगबैत एकटा अधिसूचना जारी कएलक अछि।
डीजीएफटी अपन अधिसूचनामे कहलक, “हालांकि, एहेन बंदरगाह प्रतिबंध भारतसँ गुजरनिहार बांग्लादेशी सामान पर लागू नहि होएत, मुदा नेपाल आ भूटानक लेल आबयवला सामान पर लागू होएत।”
निदेशक अनुसार, “बांग्लादेशसँ सभ प्रकारक रेडीमेड गार्मेन्ट्सक आयात कोनो भूमि बंदरगाहसँ नहि होएत, हालांकि, ई केवल न्हावा शेवा आ कोलकाता बंदरगाह सभक माध्यमसँ अनुमति देल गेल अछि।”
अन्य प्रतिबंध फल या फलक स्वादवाला आ कार्बोनेटेड पेय पदार्थ सभक आयात, प्रोसेस्ड फूड आइटम्स, कपास आ सूती धागाक वेस्ट, प्लास्टिक आ पीवीसी तैयार माल एवं लकड़ीक फर्नीचर पर अछि।
एहि वस्तु सभकेँ असम, मेघालय, त्रिपुरा आ मिजोरममे कोनो लैंड कस्टम स्टेशन (एलसीएस) वा इंटीग्रेटेड चेक पोस्ट (आईसीपी) द्वारा अनुमति नहि देल जायत। संगे संग पश्चिम बंगालमे एलसीएस चंगराबांधा आ फुलबारीसँ सेहो अनुमति नहि होयत।
अधिसूचनामे आगू लिखल गेल अछि जे बंदरगाह प्रतिबंध बांग्लादेशसँ माछ, एलपीजी, खाद्य तेल आ क्रश्ड स्टोनक आयात पर लागू नहि होइत अछि।
एहिसँ पहिने अप्रैलमे बांग्लादेश सरकार राष्ट्रीय राजस्व बोर्ड (एनबीआर) केर अधिसूचना द्वारा भूमि बंदरगाह सभक माध्यमसँ भारतसँ देशमे यार्नक आयात पर प्रतिबंध लगौने छल। बांग्लादेशक एहि निर्णय केर देखैते भारत ई अपन नव डेग उठौलक अछि।
भारत बांग्लादेशक लेल ट्रांस-शिपमेंट सुविधाकेँ सेहो समाप्त कए चुकल अछि। भारत चीनक बाद बांग्लादेशक दोसर सभसँ पैघ व्यापारिक साझेदार अछि।
वित्त वर्ष 2022-23 मे, बांग्लादेश-भारत व्यापार लगभग 16 बिलियन डॉलर केर छल। इंडस्ट्री डेटाक अनुसार बंग्लादेश लगभग १६ बिलियन डॉलरक सामान आयात कयलक, जखनिकि भारतकेँ ओकर निर्यात 02 बिलियन डॉलर रहल।
