बिहार कांग्रेसक प्रभारी कृष्णा अल्लावरू कहलनि जे कांग्रेस एहि बेर बिहारक जनताक ए टीमक रूपमे काज करय चाहैत अछि। ओ अपन संगठनकेँ आओर मजबूत करय चाहैत अछि।
एक दिसि राजद दावा करैत अछि जे ओकर १२ लोकसभामे सँ ९ सांसद भाजपामे स्थानांतरित भऽ गेल छथि, तखनग दोसर दिसि प्रभारीक बयान एहि बात पर सवाल उठबैत अछि जे महागठबंधनमे सब किछु ठीक अछि कि नहि। की राजदसँ महागठबंधन नहिं सँभरि रहल अछि ?
बिहार कांग्रेस प्रभारी कृष्णा अल्लावरू कहलनि जे कांग्रेस एहि बेर बिहारक जनताक ए टीमक रूपमे काज करय चाहैत अछि। ई अपन सङ्गठनकेँ आओर मजबूत करय चाहैत अछि आ आगामी विधानसभा चुनावमे नीक परिणाम देबाक लक्ष्य रखैत अछि। ओ रविकेँ स्पष्ट कयलनि जे कांग्रेस आब ‘बी’ टीमक रूपमे काज नहि करत, बल्कि ‘ए’ टीमक रूपमे चुनावी क्षेत्रमे प्रवेश करत।
ओ कहलनि जे महागठबंधनमे सीट बंटवारापर चर्चा एखनि धरि शुरू नहि भेल अछि। एहि लेल हम नहि कहि सकैत छी जे कतेक सीटसँ के चुनाव लड़त। ओ आगू कहलनि जे नीतीश सरकार आब पूर्णतः खटारा भऽ गेल अछि। पिछला 20 सालमे कोनो ठोस काज नहि भेल अछि। जँ मुख्यमंत्री जनतासँ वोट मांगय जा रहल छथि तऽ हुनकासँ पूछल जेबाक चाही जे ओ 20 सालमे की कयलनि ?
उल्लेखनीय अछि जे बिहारमे कांग्रेस बेसी सीट लेल राजद पर लगातार दबाव बना रहल अछि। २०२०क बिहार विधानसभा चुनावमे कांग्रेस महागठबंधनमे ७० सीटपर चुनाव लड़लक मुदा मात्र १९ सीट जीत सकल। एम्हर कांग्रेसक कतेको नेता पहिनेसँ कहि चुकल छथि जे एहि बेर हुनका ७०सँ बेसी सीट चाही आ कांग्रेस दिसिसँ लगातार दूटा उपमुख्यमंत्रीक माँग कऽ रहल छथि।
एहि बीच प्रभारी कहलनि अछि जे कांग्रेस एहि बेर बिहारक जनताक ए टीमक रूपमे काज करय चाहैत अछि। हुनकर बयानसँ विभिन्न सवाल उठल अछि। उल्लेखनीय अछि जे प्रभारी कृष्णा अल्लावरू पार्टी नेतासभक सङ्ग बैसारमे भाग लेबाक लेल पटना पहुँचल छथि।
वास्तवमे एहि साल बिहारमे विधानसभा चुनाव होबय वाला अछि, फलतः सभ पार्टी जोर-शोरसँ तैयारीमे जूटि गेल अछि।
