बरौनी जीआरपी पुलिस नियमित जाँचक क्रममे न्यू बरौनी जंक्शनक प्लेटफार्म पर ठाढ़ ट्रेनसँ भारी मात्रामे अंग्रेजी शराबक सङ्ग दूटा युवककेँ गिरफ्तार करबामे सफल भेल अछि। एहि संबंधमे जीआरपी निरीक्षक मनीष कुमार बतौलनि जे जीआरपी पुलिस आ एएलटीएफ थ्री केर संयुक्त कारवाईमे न्यू बरौनीक प्लेटफार्म नंबर 2 पर ठाढ़ ट्रेन नंबर 13281 डिब्रूगढ़-राजेंद्रनगर एक्सप्रेस ट्रेनक एसी-4 कोचक शौचालयसँ ऑफिसर्स च्वाइस कंपनीक लगभग 70 लीटर विदेशी शराब बरामद कयल गेल। जाहिमे आरोपी राहुल कुमार पुत्र रामचंद्र सहनी निवासी समस्तीपुर जिलाक पटोरी थाना लोदीपुर केर लगभग 37 लीटर आ छोटू कुमार पुत्र महेश्वर यादव निवासी खगड़िया जिला मुफ्फसिल थाना मथार गांव केर गिरफ्तार कए लगभग 34 लीटर विदेशी शराबक जब्त कय बेगूसराय जेल भेज देल गेल अछि।
दोसर कारवाईमे बरौनी जंक्शनक प्लेटफार्म संख्या ०६क पूर्वी छोर पर बरौनी जंक्शन पर लिखल बोर्ड लग लावारिस स्थितिमे ३६ लीटर विदेशी शराब बरामद कयल गेल। अज्ञात व्यक्तिक खिलाफ मामिला दर्ज कएल गेल अछि। जीआरपी निरीक्षक मनीष कुमार कहलनि जे रेलवे पुलिसक वरिष्ठ अधिकारीक निर्देश पर बरौनी रेलवे पुलिस शराबबंदी कानूनक सफलताक लेल लगातार प्रयास कऽ रहल अछि। आओर ई कारवाई आओर जारी रहत।
