लोक जनशक्ति पार्टी रामविलास आगामी चुनाव केर देखैत विभिन्न प्रकोष्ठ आ संगठनक विस्तार कऽ रहल अछि। जाहि केर तहत लोक जनशक्ति पार्टी महिला प्रकोष्ठक प्रदेश अध्यक्ष कुमारी शोभा सिन्हा संस्थाक विस्तार करैत मनीषा झाकेँ राज्य सचिवक पद पर नामित कयलनि। प्रदेश अध्यक्ष कहलनि जे हमरा विश्वास अछि जे लोक जनशक्ति पार्टी अहाँक अपार क्षमता आ कुशल नेतृत्वसँ दिनो दिन मजबूत होयत।
नवनियुक्त प्रदेश सचिव श्री मती झा कहलनि जे अहाँ सबहक आशीर्वादसँ आइ हमरा लोक जनशक्ति पार्टीमे प्रदेश सचिव बनाओल गेल अछि। ताहि लेल हम रामविलास पार्टीक राष्ट्रीय अध्यक्ष सह केंद्रीय मंत्री चिराग पासवान, प्रदेश अध्यक्ष राजू तिवारी, महिला प्रदेश अध्यक्ष शोभा सिन्हा, जितेन्द्र मिश्रा, राष्ट्रीय महासचिव शंकर झा बाबा, प्रदेश महासचिव प्रदीप ठाकुर, पंडित मुनचुन झा सहित राष्ट्रीय आ राज्य नेतृत्व सहित सब अधिकारीक प्रति आभार व्यक्त करैत छी।
