प्राप्त जानकारीक अनुसार ईरानक दक्षिण-पश्चिमी प्रान्त करमानमे बुधदिन एकटा कब्रगाहमे दिवंगत कमांडर कासिम सुलेमानीक कब्र पर श्रद्धांजलि देबाक लेल जमा भीड़क बीच भेल दूटा विस्फोटमे कमसँ कम ९५ लोकक मृत्यु भऽ गेल आ १७३ लोक घायल भऽ गेलाह।
इस्लामिक रिपब्लिक ऑफ ईरान न्यूज नेटवर्क (आईआरआईएनएन)क अनुसार, विस्फोट कब्रिस्तानसँ एक किलोमीटर दूर एकटा अंडरपासमे भेल छल, पहिल विस्फोट स्थानीय समयानुसार १५:०४ बजे (११३४ जीएमटी) आ दोसर किछु मिनट बाद सुनल गेल छल। आईआरआईएन कहलक कि १५:१७ बजे जखन लोक दिवंगत कमांडरकेँ हुनक हत्याक चारिम वर्षी पर श्रद्धांजलि अर्पित कऽ रहल छलाह । रिपोर्टक अनुसार, विस्फोटक कारण एखन धरि पता नहिं चलल अछि आ बचाव दल घटनास्थल पर पठाओल गेल अछि।
एहिमे कहल गेल अछि जे अधिकांश चोट भीड़-भाड़ आ लोकमे घबराहटक कारण भेल अछि। ३ जनवरी, २०२० केँ बगदाद अन्तर्राष्ट्रीय हवाई अड्डाक लग ड्रोनसँ हमला कय अमेरिकी सेना सुलेमानीकेँ मारि देने छल।
