२२ जनवरी केँ अयोध्यामे राम मंदिरक प्राण प्रतिष्ठासँ पहिने बिहारमे भाजपा मंगल दिन लव-कुश यात्रा शुरू केलक, जे २२ जनवरी कऽ अयोध्या पहुंचयसँ पहिने बिहारक विभिन्न जिलामे जाएत।
प्रदेश भाजपा इकाईक लवकुश यात्रासँ पहिने बिहारक पर्यावरण, वन आ जलवायु परिवर्तन मंत्री तेज प्रताप यादव मंगल दिन विपक्षी दल पर कटाक्ष करैत कहलनि जे हुनक एहि कदमसँ हुनके पुनः बहुत महग पड़ि सकैत अछि। तेज प्रताप यादव कर्नाटक विधानसभा चुनावक परिणामक हवाला दैत कहलनि कर्नाटक भाजपा कांग्रेससँ हारि गेल, जतय भाजपा नेता भगवान हनुमान अर्थात बजरंगवालीक नामक जोरदार प्रयोग कयलक आ हुनक नाम पर वोट माँगलनि। तेज प्रताप कहलनि, “हनुमान जीक गदा भाजपाकेँ एना मारलक जे ओ चुनाव हारि गेल। पहिने ओ सभ राम यात्रा करैत छलाह आ आब लव-कुश यात्रा कऽ रहल छथि, मुदा भऽ सकैत अछि जे भगवान राम आ हुनक पुत्र लव आ कुशक बाण एहि बेर भाजपेकेँ जा कए समाप्त कऽ देत।”
हुनकर कहब छनि जे जनता हुनकर जालमे नहिं पड़य वाला अछि आ देश देखि रहल अछि जे भाजपा देश केर तोड़बाक काज केना केलक।
२२ जनवरीकेँ अयोध्यामे राम मंदिरक प्राण-प्रतिष्ठासँ पहिने बिहारमे भाजपा मंगल दिन लव-कुश यात्रा शुरू केलक, जे २२ जनवरीकेँ अयोध्या पहुंचय सँ पहिने बिहारक विभिन्न जिलामे जाएत। जखन कि वास्तविक उद्देश्य लोकसभा चुनावसँ पहिने बिहारमे लव (कुर्मी) आ कुश (कुशवाहा) मतदाताकेँ लुभायबय अछि, मुदा भाजपा नेताक कहब अछि जे एकर अयोध्याक आयोजनसँ कोनो लेना-देना नहिं अछि।
तेज प्रताप यादव इहो कहलनि, “इंडिया गठबंधन एकजुट अछि आ ओकरा जनताक पूरा समर्थन भेटि रहल अछि। ई लोकसभा चुनावमे भाजपाकेँ हरा देत। नीतीश कुमारकेँ संयोजक बनय केर बात पर ओ कहलनि, “हम चाहैत छी जे ओ संयोजक बनथि, मुदा हमर इच्छाक कोनो अर्थ नहिं अछि। जँ कियो आन ई पद प्राप्त करय चाहैत अछि तँ ओ प्राप्त कऽ सकैत अछि। आबयवला समयमे इंडिया गठबंधनक झंडा लहरायत।”
