लखनऊ कोचिंग सेंटर अग्निकांडमे 14 मृत्यु, सीएम योगी घटनास्थल पर पहुँचलथि

लखनऊ। समदिया

राजधानी लखनऊमे काल्हि सोमदिन अलीगंज क्षेत्रक पुरनियामे एक एनिमेशन सेंटरमे भीषण आगि लागि गेल। आगि लगय केर बाद बिल्डिंगमे धुआं भरि गेल। एही केर भीतर मौजूद छात्र/छात्रामे भगदड़ मचि गेल। कतेको छात्र जान बचाबय लेल ऊंचाईसँ छलांग लगा देलनि, एहीसँ ओ घायल भ गेलथि। डिप्टी सीएम ब्रजेश पाठकक बयानक मुताबिक, हादसामे 14 छात्रक मृत्यु भेल अछि, मुदा केजीएमयू दिससँ 13 मृत्युक पुष्टि कयल गेल अछि। मौका पर डीजीपी राजीव कृष्ण आ प्रमुख सचिव संजय प्रसाद सेहो पहुंच गेलथि। प्रधानमंत्री नरेंद्र मोदी आ मुख्यमंत्री योगी आदित्यनाथ एही हादसा पर दुख जतौलनि।

मुख्यमंत्री लखनऊमे आगि लागल जगह पर सेहो पहुँचलाह आ मामिलाक जायजा लेलनि, अधिकारी हुनका स्थितिक जानकारी देलथि। तकर बाद मुख्यमंत्री घायलसँ भेंट करय लेल केजीएमयू हॉस्पिटल पहुँचलाह। जनतब देब, जखनि इ घटना घटल तखन मुख्यमंत्री योगी आदित्यनाथ अलीगढ़मे विभिन्न योजनाक उद्घाटन आ नींव रखबाक कार्यक्रमकेँ संबोधित कय रहल छलाह। एहि घटनाक खबरि भेटला पर ओ आयोजनमे रहैत अपन दुख व्यक्त कयलनि, अपन शेष कार्यक्रम रद्द कय लखनऊ वापस आबि गेलाह। सीएम योगी कहलनि जे, “आगि केर घटनामे प्राणक नुकसान अत्यंत दुखद आ हृदयविदारक अछि। शोक संतप्त परिवारक संग हमर संवेदना अछि। हम भगवान श्री रामसँ प्रार्थना करैत छी जे दिवंगत आत्माकेँ शांति प्रदान करथि आ घायल शीघ्र स्वस्थ होथि।”

बसपा सुप्रीमो मायावती शोक जताबैत कहलनि, राजधानी लखनऊ केर एक कोचिंग सेंटरमे आइ दुपहरिया बाद भेल अग्निकाण्डमे अनेक लोकक मृत्युक आ कतेको केर घायल होयबाक घटना अति दुखद अछि। एही प्रकारक जानलेवा घटना दिलकेँ दहलाबय वला होयत अछि आ कतेको परिवारक उम्मीदकेँ बिखेर देलक अछि। एहन दुखद घटनाक रोकथामक लेल सभकेँ मिलकय सहीसँ काज करय केर ज़रूरत अछि। सिर्फ आरोप-प्रत्यारोपसँ काज नहि चलत।

सपा प्रमुख अखिलेश यादव कहलनि जे, “हम लखनऊ केर कोचिंग सेंटरमे आगिमे जान गंवा चुकल लोककेँ श्रद्धांजलि दैत छी। अपन प्रियजनकेँ गंवा चुकल शोक संतप्त परिवारक प्रति हम सभ गहींर संवेदना व्यक्त करैत छी। सरकारकेँ घायलक लेल सर्वोत्तम संभव चिकित्सा देखभाल सुनिश्चित करबाक चाही। ई एकटा गहींर दुखद घटना अछि। एकर पाछुक कारण केर ईमानदारीसँ जांच हेबाक चाही, ई बच्चा सभ ककरो घरक भ सकैत छल।” ककरो परिवारक लेल हमर सभक सामूहिक प्रयाससँ भविष्यमे एहन दर्दनाक त्रासदीकेँ रोकल जयबाक चाही।”

राष्ट्रपति द्रौपदी मुर्मू लिखलनि, ‘लखनऊमे भेल भीषण अग्नि दुर्घटनामे अनेक लोकक मृत्युक समाचार अत्यंत दुखद अछि। हम शोक संतप्त परिवारक प्रति हार्दिक संवेदना व्यक्त करैत छी। हम घायलक शीघ्र स्वस्थ होय केर कामना करैत छी।’

किंग जॉर्ज मेडिकल यूनिवर्सिटी (केजीएमयू) केर प्रवक्ता डॉ. के.के. सिंह कहलनि, “तेरह लोककेँ मृत घोषित कय देल गेल अछि आ पांच लोक घायल भ गेल अछि, मुदा खतरासँ बाहर अछि। ओकर इलाज चलि रहल अछि। जे घायल व्यक्ति आओत ओकर चिकित्सा देखभाल कयल जायत।”

एकटा प्रत्यक्षदर्शी कहलनि, “एतय लाइब्रेरी वा कंप्यूटर ट्रेनिंग इंस्टीट्यूट अछि। जखन पहुँचलहुँ तँ बिल्डिंगसँ धुँआ उठैत देखलहुँ। पाँच-छह गोटेकेँ बचा लेलहुँ। आगि लगलाक बाद एक गोटे बिल्डिंगसँ कूदि गेल आ गंभीर रूपसँ घायल भ गेल। किछु लोक एखनो भीतर फँसल छथि।” स्थानीय लोक अचानक भवनसँ धुआं उठैत देखबाक सूचना देलक। लग पासक निवासी तुरंत फायर ब्रिगेड आ पुलिसकेँ सचेत कय देलनि। क्षणहिमे आगि तेज भ गेल आ पूरा परिसर आगि केर चपेटमे आबि गेल। प्रत्यक्षदर्शीक अनुसार आगि केर प्रकोपक कारण इलाकामे दहशतक माहौल बनल आ स्थानीय लोकक भारी भीड़ मौका पर जमा भ गेल। समाचार सम्प्रेषण धरि आगि लगबाक कारण पता नहि चलल छल। फंसल लोक आ घायलक संख्याक संबंधमे आधिकारिक विवरणक इंतजार अछि। फायर ब्रिगेड, पुलिस आ प्रशासनक टीम एहि ठाम मौजूद छल आ जांच चलि रहल अछि।