पहलगाम आतंकी हमला पर BRICS मे सहमति, आतंकवादक खिलाफ जीरो टॉलरेंस पर जोर
निज समदिया । नई दिल्ली
विदेश मंत्री एस. जयशंकर कहलनि जे नई दिल्लीमे आयोजित BRICS शिखर सम्मेलनमे आतंकवादक मुद्दा पर भारतक पक्षकेँ मजबूती भेटल। BRICS देशसभ आतंकवादक सभ रूप आ अभिव्यक्तिक निंदा करैत 22 अप्रैल 2025 केँ भेल पहलगाम आतंकी हमलाकेँ अस्वीकार्य मानलक।
सीमा पार आतंकवाद पर सेहो स्पष्ट रुख
जयशंकरक अनुसार, BRICS आतंकवादक खिलाफ जीरो टॉलरेंसक नीति पर जोर देलक आ आतंकवादसँ निपटबामे दोहरा मापदंडकेँ स्वीकार नहि करबाक बात कहल गेल। ओ सीमा पार आतंकवादक मुद्दा सेहो प्रमुखतासँ उठेलनि।
भारतक कूटनीतिक उपलब्धि
जयशंकर कहलनि जे BRICS सम्मेलनमे कुल 32 प्रतिनिधिमंडल शामिल भेल, जाहिमे 11 सदस्य देश, 10 साझेदार देश, 4 क्षेत्रीय संगठन आ 7 अंतरराष्ट्रीय संगठन शामिल छल। अधिकांश प्रतिनिधित्व राष्ट्राध्यक्ष वा सरकारक प्रमुख स्तर पर भेल, जे भारतक बढ़ैत कूटनीतिक प्रभावकेँ दर्शबैत अछि।
सम्मेलनक समय विश्वक विभिन्न हिस्सामे चलि रहल संघर्षक बीच भारत कतेको कठिन मुद्दा पर सहमति बनेबामे सफल रहल। ओहिमे वेस्ट एशिया यानी मध्य-पूर्वक संघर्ष सेहो प्रमुख मुद्दा रहल।
