एससी केर फॉर्म-6 पर टिप्पणीसँ सियासी बवाल, कांग्रेसक सीईसी पर निशाना

नई दिल्ली । समदिया

मतदाता सूचीमे नव मतदाता सभक नाम जोड़बाक लेल इस्तेमाल होइत फॉर्म-6 मे बदलावक मुद्दा पर सुप्रीम कोर्टक टिप्पणीसँ राजनीतिक विवाद तेज भऽ गेल अछि। मुख्य चुनाव आयुक्त ज्ञानेश कुमारक खिलाफ याचिकाक सुनवाइक दौरान मुख्य न्यायाधीश सूर्यकांत कहलनि जे फॉर्म-6 मे बदलावक अनुमति कोर्ट नहि देने छल।

कांग्रेस महासचिव जयराम रमेशक आरोप अछि जे सीईसी जानि-बुझि कऽ फॉर्म-6 मे बदलाव केलनि, जाहिसँ खास कऽ जेन-जेड मतदाता प्रभावित भऽ सकैत छथि। कांग्रेस आ सीजेपी सहित विपक्षी पक्ष सीईसीक स्पष्टीकरण पर सवाल उठौने अछि।

याचिकाक सुनवाइक दौरान वकील मेनका गुरुस्वामी कहलनि जे नव मतदाता जोड़बाक फॉर्म-6 मे बदलाव कएल गेल अछि। एहि पर सीजेआई कहलनि जे रिकॉर्ड सामने एलाक बाद देखल जाएत जे बदलाव के कएलक।

चुनाव आयोगक कहब अछि जे फॉर्म-6 मे मूल रूपसँ कोनो बदलाव नहि कएल गेल, बल्कि एसआईआर प्रक्रियाक लेल ओकरा संग एकटा अलग डिक्लेरेशन जोड़ल गेल अछि। आयोगक अनुसार एसआईआर समाप्त भेलाक बाद फॉर्म-6 पहिने जकाँ इस्तेमाल कएल जा सकत।