‘मिथिलाक्षर पक्ष’क अंतर्गत बुधकेँ भेल ‘दीपोत्सव’ एवं सांस्कृतिक कार्यक्रम
मिथिलाक्षर साक्षरता अभियानक १३म स्थापना दिवसक ‘मिथिलाक्षर पक्ष २०२६’ केर अंतर्गत बुधकेँ धरातल मिथिला, शहर-नगर-महानगर आ अनेको देशसँ मिथिलाक्षर साक्षरता अभियानी कयलनि ‘दीपोतस्व’ एवं ऑनलाइन सांस्कृतिक कार्यक्रम प्रस्तुत भेल, जकर लाइव प्रसारण मैथिल पुनर्जागरण प्रकाश मिडिया कयलक।
निज । समदिया
बीसम शताब्दीमे मैथिलीक लिपि लुप्तप्राय मिथिलाक्षरकेँ चमत्कारीक ढ़ंगसँ उदय करा मिथिलाक्षर साक्षरता अभियान जे एतिहासिक क्रांति आनल तकर १३म स्थापना दिवसक उपलक्ष्यमे ‘मिथिलाक्षर पक्ष’ चलि रहल अछि। एहि परिप्रेक्ष्यमे बुध, ३०-०९-२०२६ केँ ‘दीपोत्सव’ एवं ऑनलाइन सांस्कृतिक कार्यक्रम भेल, जाहिमे सभठामक पसरल मिथिलाक्षर साक्षरता अभियानी भांति-भांति तरहसँ प्रस्तुत भेलथि।
धरातल मिथिला, शहर-नगर-महानगर आ अनेको देशसँ मिथिलाक्षर साक्षरता अभियानी ‘दीपोतस्व’ कयलनि एवं ऑनलाइन सांस्कृतिक कार्यक्रम प्रस्तुत भेल, जकर लाइव प्रसारण मैथिल पुनर्जागरण प्रकाश मिडिया कयलक।
विलक्षण ऑनलाइन सांस्कृतिक कार्यक्रम आयोजित भेल। फरीदाबाद, हरियाणासँ संरक्षक देवेन्द्र झा एवं पटनासँ डाॅ विनय कर्ण प्रस्तोताक रुपमे कार्यक्रम केर संचालित कयलनि।
संस्थापक पं० अजयनाथ झा शास्त्री मधुबनीसॅं, ,डा० विनय कर्ण पटनासॅं, नवीन कुमार झा कटिहारसॅं, देवेन्द्र झा फरीदाबादसॅं, मालती कुमारी मधुबनीसॅं, राहुल कुमार झा दिल्लीसॅं ऑनलाइन लाइभ प्रोग्राममे दिप जराकें उद्घाटन करैत शुरुआत कयलनि।दिपोत्सब कार्यक्रमक तहत देश विदेशसॅं अनेकों जगहसँ अभियानीगण अपन-अपन दिप जराकेँ तकर विडियो-फोटो सोशल मीडिया पर प्रेषित कयलनि। पुरा सोशल मीडिया पर दिपोत्सबक फोटो छायल रहल, जकर चर्चा सब जगह भेल।
लाइव कार्यक्रममे मालती कुमारी अपन कविता पाठ, राहुल कुमार मैथिली गीत, संजय वर्मा विद्यापतिक नाचारी, डा०विनय कर्ण मैथिली कविता, मिथिलाक्षर साक्षरता अभियानक संस्थापक अजय नाथ झा शास्त्री जनगणनामे मैथिली कविताक पाठ कयलनि। इ कार्यक्रम सोशल मीडिया पर लाइव चलल।
विदित होए जे ‘मिथिलाक्षर पक्ष’ ‘मिथिलाक्षर दिवस ०९ अक्टूबर’ धरि चलत आ प्रतिदिन प्रातः रात्रि ०८:३० सँ १०:३० धरि ऑनलाइन कार्यक्रम आयोजित कयल जाओत, जकर लाइव प्रसारण ‘मैथिल पुनर्जागरण प्रकाश’ मिडियाक माध्यमसँ होएत।
